Pathikvaggatthakatha

SR No.: 009981
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 326
Language: Sanskrit
Classification: Interfaith & Buddhism
File Size: 11 MB

Page 38

(१.३७-४८)
अग्गजपत्तिकथावण्णना
देसनं आरभि । तत्थ अग्गञञ्चाहन्ति अहं, भग्गव, अग्गजञ्च पजानामि लोकुप्पत्तिचरियवंसञ्च । तञ्च पजानामीति न केवलं अग्गजमेव, तञ्च अग्गज्नं पजानामि । ततो च उत्तरितरं सीलसमाधितो पट्ठाय याव सब्ब तञाणा पजानामि | तञ्च पजानं न परामसामीति तञ्च पजानन्तोपि अहं इदं नाम पजानामीति तण्हादिट्ठिमानवसेन न परामसामि । नत्थि तथागतस्स परामासोति दीपेति । पच्चत्त व निब्बुति विदिताति अत्तनायेव अत्तनि किलेसनिब्बानं विदितं । यदभिजानं तथागतोति यं किलेसनिब्बानं जानन्तो तथागतो । नो अनयं आपज्जतीति अविदितनिब्बाना तित्थिया विय अनयं दुक्खं ब्यसनं नापज्जति ।
३७. इदानि यं तं तित्थिया अग्गलं पञपेन्ति, तं दस्सेन्तो सन्ति भग्गवातिआदिमाह । तत्थ इस्सरकुत्तं ब्रह्मकुत्तन्ति इस्सरकतं ब्रह्मकतं, इस्सरनिम्मितं ब्रह्मनिम्मितन्ति अत्थो। ब्रह्मा एव हि एत्थ आधिपच्चभावेन इस्सरोति वेदितब्बो। आचरियकन्ति आचरियभावं आचरियवाद । तत्थ आचरियवादो अग्गजं । अग्गजं पन एत्थ देसितन्ति कत्वा सो अग्गजं त्वेव वुत्तो । कथं विहितकन्ति केन विहितं किन्ति विहितं । सेसं ब्रह्मजाले वित्थारितनयेनेव वेदितब्बं ।
४१. खिड्डापदोसिकन्ति खिड्डापदोसिकमूलं ।
४७. असताति अविज्जमानेन, असंविज्जमानतुनाति अत्थो। तुच्छाति तुच्छेन अन्तोसारविरहितेन । मुसाति मुसावादेन । अभूतेनाति भूतत्थविरहितेन । अब्भाचिक्खन्तीति अभिआचिक्खन्ति । विपरीतोति विपरीतसञो विपरीतचित्तो । भिक्खवो चाति न केवलं समणो गोतमोयेव, ये च अस्स अनुसिटैि करोन्ति, ते भिक्खू च विपरीता । अथ यं सन्धाय विपरीतोति वदन्ति, तं दस्सेतुं समणो गोतमोतिआदि वुत्तं । सुभं विमोक्खन्ति वण्णकसिणं । असुभन्त्वेवाति सुभञ्च असुभञ्च सब्बं असुभन्ति एवं पजानाति । सुभन्त्वेव तस्मिं समयेति सुभन्ति एव च तस्मिं समये पजानाति, न असुभं । भिक्खवो चाति ये ते एवं वदन्ति, तेसं भिक्खवो च अन्तेवासिकसमणा विपरीता। पहोतीति समत्थो पटिबलो।
४८. दुक्करं खोति अयं परिब्बाजको यदिदं “एवंपसन्नो अहं, भन्ते''तिआदिमाह, तं साठेय्येन कोहझेन आह । एवं किरस्स अहोसि - “समणो गोतमो मय्हं एत्तकं