________________
११. दसुत्तरसुत्तवण्णना
३५०. एवं मे सुतन्ति दसुत्तरसुत्तं । तत्रायं अपुब्बपदवण्णना- आबुसो भिक्खवेति सावकानं आलपनमेतं । बुद्धा हि परिसं आमन्तयमाना 'भिक्खवे'ति वदन्ति । सावका सत्थारं उच्चट्ठाने ठपेस्सामाति सत्थु आलपनेन अनालपित्वा आवुसोति आलपन्ति । ते भिक्खूति ते धम्मसेनापतिं परिवारेत्वा निसिन्ना भिक्खू । के पन ते भिक्खूति ? अनिबद्धवासा दिसागमनीया भिक्खू । बुद्धकाले द्वे वारे भिक्खू सन्निपतन्तिउपकट्ठवस्सूपनायिककाले च पवारणकाले च। उपकट्ठवस्सूपनायिकाय दसपि वीसतिपि तिसम्पि चत्तालीसम्पि पासम्पि भिक्खू वग्गा वग्गा कम्मट्ठानत्थाय आगच्छन्ति । भगवा तेहि सद्धिं सम्मोदित्वा कस्मा, भिक्खवे, उपकट्ठाय वस्सूपनायिकाय विचरथाति पुच्छति । अथ ते “भगवा कम्मट्ठानत्थं आगतम्ह, कम्मट्ठानं नो देथा"ति याचन्ति ।
सत्था तेसं चरियवसेन रागचरितस्स असुभकम्मट्ठानं देति । दोसचरितस्स मेत्ताकम्मट्ठानं, मोहचरितस्स उद्देसो परिपुच्छा - 'कालेन धम्मस्सवनं, कालेन धम्मसाकच्छा, इदं तुम्हं सप्पायन्ति आचिक्खति । वितक्कचरितस्स आनापानस्सतिकम्मट्ठानं देति । सद्धाचरितस्स पसादनीयसुत्तन्ते बुद्धसुबोधिं धम्मसुधम्मतं सङ्घसुप्पटिपत्तिञ्च पकासेति । आणचरितस्स अनिच्चतादिपटिसंयुत्ते गम्भीरे सुत्तन्ते कथेति । ते कम्मट्ठानं गहेत्वा सचे सप्पायं होति, तत्थेव वसन्ति । नो चे होति, सप्पायं सेनासनं पुच्छित्वा गच्छन्ति । ते तत्थ वसन्ता तेमासिकं पटिपदं गहेत्वा घटेत्वा वायमन्ता सोतापन्नापि होन्ति सकदागामिनोपि अनागामिनोपि अरहन्तोपि।
ततो वुत्थवस्सा पवारेत्वा सत्थु सन्तिकं गन्त्वा “भगवा अहं तुम्हाकं सन्तिके कम्मट्ठानं गहेत्वा सोतापत्तिफलं पत्तो...पे०... अहं अग्गफलं अरहत्त"न्ति पटिलद्धगुणं आरोचेन्ति । तत्थ इमे भिक्खू उपकट्ठाय वस्सूपनायिकाय आगता । एवं आगन्त्वा गच्छन्ते
217
Jain Education International
For Private & Personal Use Only
www.jainelibrary.org
