________________
(१०.३३३-३३६)
अट्ठकवण्णना
२०७
अट्ठकवण्णना
३३३. इति सत्तकवसेन सामग्गिरसं दस्सेत्वा इदानि अट्ठकवसेन दस्सेतुं पुन देसनं आरभि । तत्थ मिच्छत्ताति अयाथावा मिच्छासभावा । सम्मत्ताति याथावा सम्मासभावा ।
३३४. कुसीतवत्थूनीति कुसीतस्स अलसस्स वत्थूनि पतिट्ठा कोसज्जकारणानीति अत्थो । कम्मं कत्तबं होतीति चीवरविचारणादिकम्मं कातळ होति । न वीरियं आरभतीति दुविधम्पि वीरियं नारभति । अप्पत्तस्साति झानविपस्सनामग्गफलधम्मस्स अप्पत्तस्स पत्तिया । अनधिगतस्साति तस्सेव अनधिगतस्स अधिगमत्थाय । असच्छिकतस्साति तस्सेव अपच्चक्खकतस्स सच्छिकरणत्थाय । इदं पठमन्ति इदं हन्दाहं निपज्जामीति एवं ओसीदनं पठमं कुसीतवत्थु । इमिना नयेन सब्बत्थ अत्थो वेदितब्बो । “मासाचितं मजे"ति एत्थ पन मासाचितं नाम तिन्तमासो। यथा तिन्तमासो गरुको होति, एवं गरुकोति अधिप्पायो । गिलाना वुद्वितो होतीति गिलानो हुत्वा पच्छा वुट्टितो होति ।
३३५. आरम्भवत्थूनीति वीरियकारणानि । तेसम्पि इमिनाव नयेन अत्थो वेदितब्बो ।
३३६. दानवत्थूनीति दानकारणानि । आसज्ज दानं देतीति पत्वा दानं देति । आगतं दिस्वाव मुहत्तंयेव निसीदापेत्वा सक्कारं कत्वा दानं देति, दस्सामि दस्सामीति न किलमेति । इति एत्थ आसादनं दानकारणं नाम होति । भया दानं देतीतिआदीसुपि भयादीनि दानकारणानीति वेदितब्बानि । तत्थ भयं नाम अयं अदायको अकारकोति गरहाभयं वा अपायभयं वा । अदासि मेति मय्हं पुब्बे एस इदं नाम अदासीति देति । दस्सति मेति अनागते इदं नाम दस्सतीति देति । साहु दानन्ति दानं नाम साधु सुन्दरं, बुद्धादीहि पण्डितेहि पसत्थन्ति देति । चित्तालारचित्तपरिक्खारत्थं दानं देतीति समथविपस्सनाचित्तस्स अलङ्कारत्थञ्चेव परिवारत्थञ्च देति । दानहि चित्तं मुदुकं करोति । येन लद्धं होति, सोपि लद्धं मेति मुदुचित्तो होति, येन दिन्नं, सोपि दिन्नं मयाति मुदुचित्तो होति, इति उभिन्नम्पि चित्तं मुदुकं करोति, तेनेव “अदन्तदमनं दान"न्ति वुच्चति । यथाह -
“अदन्तदमनं दानं, अदानं दन्तदूसकं । दानेन पियवाचाय, उन्नमन्ति नमन्ति चा"ति ।।
207
Jain Education International
For Private & Personal Use Only
www.jainelibrary.org
