Page Text
________________
(१०.३१७-३१७)
पधानियङ्गपञ्चकवण्णना
नयो । इधापि ज्ञातिसम्पदादयो नो कुसला, न तिलक्खणाहता। सीलदिट्ठिसम्पदा कुसला, तिलक्खणाहता । तेनेव “नावुसो, सत्ता आतिसम्पदाहेतु वा"तिआदिमाह ।
सीलविपत्तिसीलसम्पत्तिकथा महापरिनिब्बाने वित्थारिताव |
चोदकेनाति वत्थुसंसन्दस्सना, आपत्तिसंसन्दस्सना, संवासप्पटिक्खेपो, सामीचिप्पटिक्खेपोति चतूहि चोदनावत्थूहि चोदयमानेन । कालेन वक्खामि नो अकालेनाति एत्थ चुदितकस्स कालो कथितो, न चोदकस्स। परं चोदेन्तेन हि परिसमज्झे वा उपोसथपवारणग्गे वा आसनसालाभोजनसालादीसु वा न चोदेतब्बं । दिवाट्ठाने निसिन्नकाले "करोतायस्मा ओकासं, अहं आयस्मन्तं वत्तुकामो''ति एवं ओकासं कारेत्वा चोदेतब्बं । पुग्गलं पन उपपरिक्खित्वा यो लोलपुग्गलो अभूतं वत्वा भिक्खूनं अयसं आरोपेति, सो ओकासकम्मं विनापि चोदेतब्बो । भूतेनाति तच्छेन सभावेन । सण्हेनाति मढेन मुदुकेन । अत्थसहितेनाति अत्थकामताय हितकामताय उपेतेन ।
पधानियङ्गपञ्चकवण्णना
३१७. पधानियङ्गानीति पधानं वुच्चति पदहनं, पधानमस्स अत्थीति पधानियो, पधानियस्स भिक्खुनो अङ्गानि पधानियङ्गानि। सद्धोति सद्धाय समन्नागतो। सद्धा पनेसा आगमनसद्धा, अधिगमनसद्धा, ओकप्पनसद्धा, पसादसद्धाति चतुब्बिधा। तत्थ सब्ब बोधिसत्तानं सद्धा अभिनीहारतो आगतत्ता आगमनसद्धा नाम । अरियसावकानं पटिवेधेन अधिगतत्ता अधिगमनसद्धा नाम । बुद्धो धम्मो सङ्घोति वुत्ते अचलभावेन ओकप्पनं ओकप्पनसद्धा नाम । पसादुप्पत्ति पसादसद्धा नाम । इध ओकप्पनसद्धा अधिप्पेता । बोधिन्ति चतुत्थमग्गाणं । तं सुप्पटिविद्धं तथागतेनाति सद्दहति । देसनासीसमेव चेतं, इमिना पन अङ्गेन तीसुपि रतनेसु सद्धा अधिप्पेता । यस्स हि बुद्धादीसु पसादो बलवा, तस्स पधानवीरियं इज्झति । अप्पाबाधोति अरोगो। अप्पातङ्कोति निढुक्खो। समवेपाकिनियाति समविपाचनीया। गहणियाति कम्मजतेजोधातुया। नातिसीताय नाच्चुण्हायाति अतिसीतगहणिको सीतभीरू होति, अच्चुण्हगहणिको उहभीरू होति, तेसं पधानं न इज्झति । मज्झिमगहणिकस्स इज्झति । तेनाह - “मज्झिमाय पधानक्खमाया''ति । यथाभूतं अत्तानं आविकत्ताति यथाभूतं अत्तनो अगुणं पकासेता। उदयत्थगामिनियाति उदयञ्च अत्थङ्गमञ्च गन्तुं परिच्छिन्दितुं समत्थाय, एतेन पासलक्खणपरिग्गाहकं उदयब्बयाणं
193
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |