Page Text
________________
( १०.३०५ - ३०५)
रूपभवे छन्दरागो रूपतण्हा । अरूपभवे छन्दरागो अरूपतण्हा । उच्छेददिट्ठिसहगतो रागो निरोधतण्हा ।
तिकवण्णना
संयोजनत्तिके वट्टस्मिं संयोजयन्ति बन्धन्तीति संयोजनानि । सति रूपादिभेदे काये दिट्ठि, विज्जमाना वा काये दिट्ठीति सक्कायदिट्ठि । विचिनन्तो एताय किच्छति, न सक्कोति सन्निट्ठानं कातुन्ति विचिकिच्छा । सीलञ्च वतञ्च परामसतीति सीलब्बतपरामासो । अत्थतो पन “रूपं अत्ततो समनुपस्सती 'तिआदिना नयेन आगता वीसतिवत्थुका सक्कायदिट्ठि नाम । " सत्थरि कङ्क्षती "तिआदिना नयेन आगता अट्ठवत्थुका विमति विचिकिच्छा नाम । “इधेकच्चो सीलेन सुद्धि वतेन सुद्धि सीलब्बतेन सुद्धीति सीलं परामसति, वतं परामसति, सीलब्बतं परामसति । या एवरूपा दिट्ठि दिट्ठिगत "न्तिआदिना नयेन आगतो विपरियेसग्गाहो सीलब्बतपरामासो नाम ।
तयो आसवाति एत्थ चिरपारिवासियट्ठेन वा आसवनट्टेन वा आसवा । तत्थ “पुरिमा, भिक्खवे, कोटि न पञ्ञायति अविज्जाय, इतो पुब्बे अविज्जा नाहोसि, अथ पच्छा समभवी”ति, “पुरिमा, भिक्खवे, कोटि न पञ्ञायति भवतण्हाय भवदिट्ठिया, इतो पुब्बे भवदिट्ठि नाहोसि, अथ पच्छा समभवी "ति एवं ताव चिरपारिवासियट्ठेन आसवा वेदितब्बा । चक्खुतो रूपे सवति आसवति सन्दति पवत्तति । सोततो सद्दे । घानतो गन्धे । जिव्हातो रसे । कायतो फोट्ठब्बे । मनतो धम्मे सवति आसवति सन्दति पवत्ततीति एवं आसवनट्ठेन आसवाति वेदितब्बा ।
I
Jain Education International
१५५
पाळियं पन कत्थचि द्वे आसवा आगता “ दिट्ठधम्मिका च आसवा सम्परायिका च आसवा "ति, कत्थचि “तयोमे, भिक्खवे, आसवा । कामासवो भवासवो अविज्जासवो "ति तयो । अभिधम्मे तेयेव दिट्ठासवेन सद्धिं चत्तारो । निब्बेधिकपरियाये “अस्थि, भिक्खवे, आसवा निरयगामिनिया, अत्थि आसवा तिरच्छानयोनिगामिनिया, अत्थि आसवा पेत्तिविसयगामिनिया, अत्थि आसवा मनुस्सलोकगामिनिया अत्थि आसवा देवलोकगामिनिया'ति एवं पञ्च । छक्कनिपाते आहुनेय्यसुत्ते “अत्थि, भिक्खवे, आसवा संवरा पहातब्बा, अत्थि आसवा पटिसेवना पहातब्बा, अत्थि आसवा परिवज्जना पहातब्बा, अत्थि आसवा अधिवासना पहातब्बा, अत्थि आसवा विनोदना पहातब्बा, अत्थि आसवा भावना पहातब्बा " ति एवं छ । सब्बासवपरियाये तेयेव दस्सनापहातब्बेहि सद्धिं सत्त । इमस्मिं पन सङ्गीतिसुत्ते तयो । तत्थ " यो कामेसु कामच्छन्दो 'ति एवं वुत्तो
155
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |