Page Text
________________
(८.२६७-२६७)
छदिसापटिच्छादनकण्डवण्णना
१२३
किच्चं गन्त्वा करिस्सामि। कुलवंसं सण्ठपेस्सामीति मातापितूनं सन्तकं खेत्तवत्थुहिरञसुवण्णादिं अविनासेत्वा रक्खन्तोपि कुलवंसं सण्ठपेति नाम । मातापितरो अधम्मिकवंसतो हारेत्वा धम्मिकवंसे ठपेन्तोपि, कुलवंसेन आगतानि सलाकभत्तादीनि अनुपच्छिन्दित्वा पवत्तेन्तोपि कुलवंसं सण्ठपेति नाम । इदं सन्धाय वुत्तं - "कुलवंसं सण्ठपेस्सामी"ति ।
दायजं पटिपज्जामीति मातापितरो अत्तनो ओवादे अवत्तमाने मिच्छापटिपन्ने दारके विनिच्छयं पत्वा अपुत्ते करोन्ति, ते दायज्जारहा न होन्ति। ओवादे वत्तमाने पन कुलसन्तकस्स सामिके करोन्ति, अहं एवं वत्तिस्सामीति अधिप्पायेन “दायज्जं पटिपज्जामी"ति वुत्तं ।
दक्खिणं अनुप्पदस्सामीति तेसं पत्तिदानं कत्वा ततियदिवसतो पट्ठाय दानं अनुप्पदस्सामि । पापा निवारेन्तीति पाणातिपातादीनं दिट्ठधम्मिकसम्परायिकं आदीनवं वत्वा, "तात, मा एवरूपं करी"ति निवारेन्ति, कतम्पि गरहन्ति । कल्याणे निवेसेन्तीति अनाथपिण्डिको विय लज्जं दत्वापि सीलसमादानादीसु निवेसेन्ति । सिप्पं सिक्खापेन्तीति अत्तनो ओवादे ठितभावं ञत्वा वंसानुगतं मुद्दागणनादिसिप्पं सिक्खापेन्ति । पतिरूपेनाति कुलसीलरूपादीहि अनुरूपेन ।
समये दायज्जं निय्यादेन्तीति समये धनं देन्ति । तत्थ निच्चसमयो कालसमयोति द्वे समया। निच्चसमये देन्ति नाम "उट्ठाय समुट्ठाय इमं गण्हितब्बं गण्ह, अयं ते परिब्बयो होतु, इमिना कुसलं करोही''ति देन्ति। कालसमये देन्ति नाम सिखाठपनआवाहविवाहादिसमये देन्ति । अपिच पच्छिमे काले मरणमञ्चे निपन्नस्स "इमिना कुसलं करोही"ति देन्तापि समये देन्ति नाम। पटिच्छन्ना होतीति यं पुरत्थिमदिसतो भयं आगच्छेय्य, यथा तं नागच्छति, एवं पिहिता होति । सचे हि पुत्ता विप्पटिपन्ना, अस्सु, मातापितरो दहरकालतो पट्ठाय जग्गनादीहि सम्मा पटिपन्ना, एते दारका, मातापितूनं अप्पतिरूपाति एतं भयं आगच्छेय्य । पुत्ता सम्मा पटिपन्ना, मातापितरो विप्पटिपन्ना, मातापितरो पुत्तानं नानुरूपाति एतं भयं आगच्छेय्य | उभोसु विप्पटिपन्नेसु दुविधम्पि तं भयं होति । सम्मा पटिपन्नेसु सब्बं न होति । तेन वुत्तं“पटिच्छन्ना होति खेमा अप्पटिभया'ति ।
123
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |