________________
( ७.२१२-२१४)
उस्सङ्खपादादिलक्खणवण्णना
उस्सङ्खपादादिलक्खणवण्णना
२१२.
अत्थूपसंहितन्ति इधलोकपरलोकत्थनिस्सितं । धम्मूपसंहितन्ति दसकुसलकम्मपथनिस्सितं । बहुजनं निदंसेसीति बहुजनस्स निदंसनकथं कथेसि | पाणीनन्ति सत्तानं । “अग्गो’तिआदीनि सब्बानि अञ्ञमञ्ञवेवचनानि । इध कम्मं नाम दीघरत्तं भासिता उद्धङ्गमनीया अत्थूपसंहिता वाचा । कम्मसरिक्खकं नाम यो एवरूपं उग्गतवाचं न भासति, सो इमिना कारणेन उग्गतवाचाय अभासनं जनो जानातूति अधोसङ्घपादो च होति अधोनतलोमो च । तथागतस्स पन दीघरत्तं एवरूपाय उग्गतवाचाय भासितभावं सदेवको लोको इमिना कारणेन जानातूति उस्सङ्गपादलक्खणञ्च उद्धग्गलोमलक्खणञ्च निब्बत्तति । लक्खणं नाम इदमेव लक्खणद्वयं । उत्तमभावो आनिसंसो ।
२१३. एरयन्ति भणन्तो । बहुजनं निदंसयीति बहुजनस्स हितं दस्सेति । धम्मयागन्ति
धम्मदानयञ् ।
१०१
उब्भमुप्पतितलोमवा सोति सो एस उद्धग्गतलोमवा होति । पादगण्ठिरहूति पादगोप्फका अहेसुं । साधुसण्ठिताति सुट्टु सण्ठिता । मंसलोहिताचिताति मंसेन च लोहितेन आचिता । तचोत्थताति तचेन परियोनद्धा निगुळहा । बजतीति गच्छति । अनोमनिक्कमोति अनोमविहारी सेट्ठविहारी ।
च
Jain Education International
एणिजङ्खलक्खणवण्णना
२१४. सिप्पं वातिआदीसु सिप्पं नाम द्वे सिप्पानि हीनञ्च सिप्पं, उक्कट्ठञ्च सिप्पं । हीनं नाम सिप्पं नळकारसिप्पं, कुम्भकारसिप्पं पेसकारसिप्पं नहापितसिप्पं । उक्कट्ठ नाम सिप्पं लेखा मुद्दा गणना । विज्जाति अहिविज्जादि अनेकविधा । चरणन्ति पञ्चसीलं दससीलं पातिमोक्खसंवरसीलं । कम्मन्ति कम्मस्सकताजाननपञ । किलिस्सेय्यन्ति किलमेय्युं । अन्तेवासिकवत्तं नाम दुक्खं तं नेसं मा चिरमहोसीति चिन्तेसि ।
राजारहानीति रञ्ञो अनुरूपानि हत्थिअस्सादीनि, तानियेव रज्ञो सेनाय अङ्गभूतत्ता राजङ्गानीति वुच्चन्ति । राजूपभोगानीति रञ्ञो उपभोगपरिभोगभण्डानि तानि चैव सत्तरतनानि च । राजानुच्छविकानीति रञ्ञो अनुच्छविकानि । तेसंयेव सब्बेसं इदं गहणं ।
101
For Private & Personal Use Only
www.jainelibrary.org
