________________
(७.२०९-२१०)
करचरणादिलक्खणवण्णना
२०९. खज्जभोज्जमथलेय्यसायितन्ति खज्जकञ्च भोजनञ्च लेहनीयञ्च सायनीयञ्च । उत्तमग्गरसदायकोति उत्तमो अग्गरसदायको, उत्तमानं वा अग्गरसानं दायको ।
सत्त चुस्सदेति सत्त च उस्सदे। तदत्थजोतकन्ति खज्जभोज्जादिजोतकं, तेसं लाभसंवत्तनिकन्ति अत्थो । पब्बजम्पि चाति पब्बजमानोपि च। तदाधिगच्छतीति तं अधिगच्छति । लाभिरुत्तमन्ति लाभि उत्तमं ।
करचरणादिलक्खणवण्णना
२१०. दानेनातिआदीसु एकच्चो दानेनेव सङ्गण्हितब्बो होति, तं दानेन सङ्गहेसि । पब्बजितानं पब्बजितपरिक्खारं, गिहीनं गिहिपरिक्खारं अदासि ।
पेय्यवज्जेनाति एकच्चो हि “अयं दातब्बं नाम देति, एकेन पन वचनेन सब् मक्खेत्वा नासेति, किं एतस्स दान"न्ति वत्ता होति । एकच्चो “अयं किञ्चापि दानं न देति, कथेन्तो पन तेलेन विय मक्खेति । एसो देतु वा मा वा, वचनमेव तस्स सहस्सं अग्घती"ति वत्ता होति । एवरूपो पुग्गलो दानं न पच्चासीसति, पियवचनमेव पच्चासीसति । तं पियवचनेन सङ्गहेसि ।
अत्थचरियायाति अत्थसंवड्डनकथाय । एकच्चो हि नेव दानं, न पियवचनं पच्चासीसति । अत्तनो हितकथं वड्डितकथमेव पच्चासीसति । एवरूपं पुग्गलं "इदं ते कातब्द, इदं ते न कातब्बं । एवरूपो पुग्गलो सेवितब्बो, एवरूपो पुग्गलो न सेवितब्बो''ति एवं अत्थचरियाय सङ्गहेसि ।।
समानत्ततायाति समानसुखदुक्खभावेन । एकच्चो हि दानादीसु एकम्पि न पच्चासीसति, एकासने निसज्ज, एकपल्लङ्के सयनं, एकतो भोजनन्ति एवं समानसुखदुक्खतं पच्चासीसति । तत्थ जातिया हीनो भोगेन अधिको दुस्सङ्गहो होति । न हि सक्का तेन सद्धिं एकपरिभोगो कातुं, तथा अकरियमाने च सो कुज्झति । भोगेन हीनो जातिया अधिकोपि दुस्सङ्गहो होति । सो हि “अहं जातिमा''ति भोगसम्पन्नेन सद्धिं एकपरिभोगं न इच्छति, तस्मिं अकरियमाने कुज्झति । उभोहिपि हीनो पन सुसङ्गहो होति । न हि सो इतरेन सद्धिं एकपरिभोगं इच्छति, न अकरियमाने च कुज्झति ।
Jain Education International
For Private & Personal Use Only
www.jainelibrary.org
