________________
२. महानिदानसुत्तवण्णना
निदानवण्णना ९५. एवं मे सुतं...पे०... कुरूसूति महानिदानसुत्तं । तत्रायं अनुत्तानपदवण्णना | कुरूसु विहरतीति कुरू नाम जानपदिनो राजकुमारा, तेसं निवासी एकोपि जनपदो रुळ्हीसद्देन 'कुरूति वुच्चति । तस्मिं कुरूसु जनपदे। अट्ठकथाचरिया पनाहुमन्धातुकाले तीसु दीपेसु मनुस्सा "जम्बुदीपो नाम बुद्धपच्चेकबुद्धमहासावकचक्कवत्तिप्पभुतीनं उत्तममनुस्सानं उप्पत्तिभूमि उत्तमदीपो अतिरमणीयो''ति सुत्वा रा मन्धातुचक्कवत्तिना चक्करतनं पुरक्खत्वा चत्तारो दीपे अनुसंयायन्तेन सद्धिं आगमंसु । ततो राजा परिणायकरतनं पछि - "अत्थि न खो मनुस्सलोकतो रमणीयतरं ठान"न्ति । कस्मा देव एवं भणसि ? किं न पस्ससि चन्दिमसूरियानं आनुभावं, ननु एतेसं ठानं इतो रमणीयतरन्ति ? राजा चक्करतनं पुरक्खत्वा तत्थ अगमासि । चत्तारो महाराजानो - "मन्धातुमहाराजा आगतो''ति सुत्वाव “महिद्धिको महानुभावो राजा, न सक्का युद्धन पटिबाहितु"न्ति सकं रज्जं निय्यातेसुं । सो तं गहेत्वा पुन पुच्छि – “अत्थि नु खो इतो रमणीयतरं ठान''न्ति ?
अथस्स तावतिसभवनं कथयिंसु । "तावतिसभवनं, देव, इतो रमणीयतरं । तत्थ सक्कस्स देवरो इमे चत्तारो महाराजानो परिचारका दोवारिकभूमियं तिठ्ठन्ति, सक्को देवराजा महिद्धिको महानुभावो, तस्सिमानि उपभोगट्ठानानि - योजनसहस्सुब्बेधो वेजयन्तो पासादो, पञ्चयोजनसतुब्बेधा सुधम्मा देवसभा, दियड्डयोजनसतिको वेजयन्तरथो तथा एरावणो हत्थी, दिब्बरुक्खसहस्सप्पटिमण्डितं नन्दनवनं, चित्तलतावनं, फारुसकवनं, मिस्सकवनं, योजनसतुब्बेधो पारिच्छत्तको कोविळारो, तस्स हेट्ठा सट्ठियोजनायामा
h4
Jain Education International
For Private & Personal Use Only
www.jainelibrary.org
