________________
१४
दीघनिकाये महावग्गट्ठकथा
(१.१२-१२)
सम्बहुलपरिच्छेदवण्णना
तत्थ -
समवत्तक्खन्धो अतुलो, सुप्पबुद्धो च उत्तरो । सत्थवाहो विजितसेनो, राहुलो भवति सत्तमोति ।।
एते ताव सत्तन्नम्पि बोधिसत्तानं अनुक्कमेनेव सत्त पुत्ता वेदितब्बा ।
तत्थ राहुलभद्दे ताव जाते पण्णं आहरित्वा महापुरिसस्स हत्थे ठपयिंसु । अथस्स तावदेव सकलसरीरं खोभेत्वा पुत्तसिनेहो अट्ठासि । सो चिन्तेसि - “एकस्मिं ताव जाते एवरूपो पुत्तसिनेहो, परोसहस्सं किर मे पुत्ता भविस्सन्ति, तेसु एकेकस्मिं जाते इदं सिनेहबन्धनं एवं वड्डन्तं दुब्भेज्जं भविस्सति, राहु जातो, बन्धनं जात"न्ति आह । तं दिवसमेव च रज्जं पहाय निक्खन्तो। एस नयो सब्बेसं पुत्तुप्पत्तियन्ति । अयं पुत्तपरिच्छेदो।
सुतना सब्बकामा च, सुचित्ता अथ रोचिनी । रुचग्गती सुनन्दा च, बिम्बा भवति सत्तमाति ।।
एता तेसं सत्तन्नम्पि पुत्तानं मातरो अहेसुं । बिम्बादेवी पन राहुलकुमारे जाते राहुलमाताति पायित्थ । अयं भरियपरिच्छेदो ।
विपस्सी ककुसन्धोति इमे पन द्वे बोधिसत्ता पयुत्तआजञरथमारुय्ह महाभिनिक्खमनं निक्खमिंसु । सिखी कोणागमनोति इमे द्वे हथिक्खन्धवरगता हुत्वा निक्खमिंसु । वेस्सभू सुवण्णसिविकाय निसीदित्वा निक्खमि। कस्सपो उपरिपासादे महातले निसिन्नोव आनापानचतुत्थज्झानं निब्बत्तेत्वा झाना उट्ठाय तं झानं पादकं कत्वा – “पासादो उग्गन्त्वा बोधिमण्डे ओतरतू"ति अधिट्टासि । पासादो आकासेन गन्त्वा बोधिमण्डे ओतरि । महापुरिसोपि ततो ओतरित्वा भूमियं ठत्वा - “पासादो यथाठानेयेव पतिट्ठातू"ति चिन्तेसि । सो यथाठाने पतिहासि । महापुरिसोपि सत्त दिवसानि पधानमनुयुञ्जित्वा
14
Jain Education International
For Private & Personal Use Only
www.jainelibrary.org
