________________
(१०.४१२-४१६)
चोरादिउपमावण्णना
३५९
सकलजम्बुदीपे पत्थटं होति, तेन सो “एत्थ निवासिनो देवपुत्ता नत्थी'ति न सक्का वत्तुन्ति चिन्तेत्वा देवा ते न मनुस्साति आह ।
४१२. अस्थि पन, राजञ, परियायोति अस्थि पन कारणन्ति पुच्छति । आबाधिकाति विसभागवेदनासङ्खातेन आबाधेन समन्नागता। दुखिताति दुक्खप्पत्ता । बाळ्हगिलानाति अधिमत्तगिलाना । सद्धायिकाति अहं तुम्हे सद्दहामि, तुम्हे मय्हं सद्धायिका सद्धायितब्बवचनाति अत्थो । पच्चयिकाति अहं तुम्हे पत्तियामि, तुम्हे मय्हं पच्चयिका पत्तियायितब्बाति अत्थो।
चोरादिउपमावण्णना
४१३. उद्दिसित्वाति तेसं अत्तानञ्च पटिसामितभण्डकञ्च दस्सेत्वा, सम्पटिच्छापेत्वाति अत्थो। विप्पलपन्तस्साति “पुत्तो मे, धीता मे, धनं मेति विविधं पलपन्तस्स । निरयपालेसूति निरये कम्मकारणिकसत्तेसु । ये पन “कम्ममेव कम्मकारणं करोति, नत्थि निरयपाला"ति वदन्ति । ते "तमेनं, भिक्खवे, निरयपाला''ति देवदूतसुत्तं पटिबाहन्ति । मनुस्सलोके राजकुलेसु कारणिकमनुस्सा विय हि निरये निरयपाला होन्ति ।
४१५. वेलुपेसिकाहीति वेळुविलीहि । सुनिम्मज्जथाति यथा सुट्ठ निम्मज्जितं होति, एवं निम्मज्जथ, अपनेथाति अत्थो ।
असुचीति अमनापो। असुचिसङ्घातोति असुचिकोट्ठासभूतो असुचीति आतो वा। दुग्गन्धोति कुणपगन्धो । जेगुच्छोति जिगुच्छितब्बयुत्तो। पटिकूलोति दस्सनेनेव पटिघावहो । उब्बाधतीति दिवसस्स द्विक्खत्तुं न्हत्वा तिक्खत्तुं वत्थानि परिवत्तेत्वा अलङ्कतपटिमण्डितानं चक्कवत्तिआदीनम्पि मनुस्सानं गन्धो योजनसते ठितानं देवतानं कण्ठे आसत्तकुणपं विय बाधति ।
४१६. पुन पाणातिपातादिपञ्चसीलानि समादायवत्तेन्तानं वसेन वदति । तावतिंसानन्ति इदञ्च दूरे निब्बत्ता ताव मा आगच्छन्तु, इमे कस्मा न एन्तीति वदति ।
359
Jain Education International
For Private & Personal Use Only
www.jainelibrary.org
