________________
९. महासतिपट्टानसुत्तवण्णना
उद्देसवारकथावण्णना ३७३. एवं मे सुतन्ति महासतिपट्टानसुत्तं । तत्रायमपुब्बपदवण्णना- एकायनो अयं, भिक्खवे, मग्गोति कस्मा भगवा इदं सुत्तमभासि ? कुरुरट्ठवासीनं गम्भीरदेसनापटिग्गहणसमत्थताय । कुरुरट्ठवासिनो किर भिक्खू भिक्खुनियो उपासका उपासिकायो उतुपच्चयादिसम्पन्नत्ता तस्स रहस्स सप्पायउतुपच्चयसेवनेन निच्चं कल्लसरीरा कल्लचित्ता च होन्ति । ते चित्तसरीरकल्लताय अनुग्गहितपाबला गम्भीरकथं पटिग्गहेतुं समत्था होन्ति । तेन नेसं भगवा इमं गम्भीरदेसनापटिग्गहणसमत्थतं सम्पस्सन्तो एकवीसतिया ठानेसु कम्मट्ठानं अरहत्ते पक्खिपित्वा इदं गम्भीरत्थं महासतिपट्टानसुत्तं अभासि। यथा हि पुरिसो सुवण्णचङ्कोटकं लभित्वा तत्थ नानापुप्फानि पक्खिपेय्य, सुवण्णमञ्जूसं वा पन लभित्वा सत्तरतनानि पक्खिपेय्य, एवं भगवा कुरुरवासिपरिसं लभित्वा गम्भीरदेसनं देसेसि । तेनेवेत्थ अनानिपि गम्भीरत्थानि इमस्मिं दीघनिकाये महानिदानं मज्झिमनिकाये सतिपट्टानं, सारोपमं, रुक्खोपमं, रछपालं, मागण्डियं, आनेजसप्पायन्ति अञानिपि सुत्तानि देसेसि ।
अपिच तस्मिं जनपदे चतस्सो परिसा पकतियाव सतिपट्ठानभावनानुयोगमनुयुत्ता विहरन्ति, अन्तमसो दासकम्मकरपरिजानापि सतिपट्टानपटिसंयुत्तमेव कथं कथेन्ति । उदकतित्थसुत्तकन्तनहानादीसुपि निरत्थककथा नाम नप्पवत्तति । सचे काचि इत्थी “अम्म, त्वं कतरं सतिपट्ठानभावनं मनसिकरोसी"ति पुच्छिता "न किञ्ची"ति वदति, तं गरहन्ति "धिरत्थु तव जीवितं, जीवमानापि त्वं मतसदिसा'ति । अथ नं “मा दानि पुन एवमकासी"ति ओवदित्वा अञ्जतरं सतिपट्टानं उग्गण्हापेन्ति । या पन “अहं असुकसतिपट्ठानं नाम मनसिकरोमी"ति वदति, तस्सा “साधु साधू"ति साधुकारं कत्वा
299
Jain Education International
For Private & Personal Use Only
www.jainelibrary.org
