________________
(८.३६४-३६४)
पातिमोक्खसंवरवण्णना
२९३
संकिलेसधम्मा, हेते, भिक्खवे, उपधयो, एत्थायं गथितो मुच्छितो अज्झापन्नो अत्तना संकिलेसधम्मो समानो संकिलेसधम्मंयेव परियेसति । अयं, भिक्खवे, अनरिया परियेसनाति (म० नि० १.२७४)।
अपिच कुहनादिवसेन पञ्चविधा, अगोचरवसेन छब्बिधा वेज्जकम्मादिवसेन एकवीसतिविधा, एवं पवत्ता सब्बापि अनेसना अनरियपरियेसनायेवाति वेदितब्बा।
"कतमा च, भिक्खवे, अरिया परियेसना ? इध, भिक्खवे, एकच्चो अत्तना जातिधम्मो समानो जातिधम्मे आदीनवं विदित्वा अजातं अनुत्तरं योगक्खेमं निब्बानं परियेसति, अत्तना जराधम्मो, ब्याधि, मरण, सोक, संकिलेसधम्मो समानो संकिलेसधम्मे आदीनवं विदित्वा असंकिलिटुं अनुत्तरं योगक्खेमं निब्बानं परियेसति । अयं अरिया परियेसनाति (म० नि० १.२७५)।
अपिच पञ्च कुहनादीनि छ अगोचरे एकवीसतिविधञ्च अनेसनं वज्जेत्वा भिक्खाचरियाय धम्मेन समेन परियेसनापि अरियपरियेसनायेवाति वेदितब्बा ।
एत्थ च यो यो “न सेवितब्बो'ति वुत्तो, सो सो पुब्बभागे पाणातिपातादीनं सम्भारपरियेसनापयोगकरणगमनकालतो पाय न सेवितब्बोव। इतरो आदितो पाय सेवितब्बो, असक्कोन्तेन चित्तम्पि उप्पादेतब् । अपिच सङ्घभेदादीनं अत्थाय परक्कमन्तानं देवदत्तादीनं विय कायसमाचारो न सेवितब्बो. दिवसस्स द्वत्तिक्खत्तं तिण्णं रत उपट्टानगमनादिवसेन पवत्तो धम्मसेनापतिमहामोग्गल्लानत्थेरादीनं विय कायसमाचारो सेवितब्बो। धनुग्गहपेसनादिवसेन वाचं भिन्दन्तानं देवदत्तादीनं विय वचीसमाचारो न सेवितब्बो. तिण्णं रतनानं गणकित्तनादिवसेन पवत्तो धम्मसेनापतिमहामोग्गल्लानत्थेरा विय वचीसमाचारो सेवितब्बो। अनरियपरियेसनं परियेसन्तानं देवदत्तादीनं विय परियेसना न सेवितब्बा, अरियपरियेसनमेव परियेसन्तानं धम्मसेनापतिमहा मोग्गल्लानत्थेरादीनं विय परियेसना सेवितब्बा ।
एवं पटिपन्नो खोति एवं असेवितब्बं कायवचीसमाचारं परियेसनञ्च पहाय सेवितब्बानं पारिपूरिया पटिपन्नो, देवानमिन्द, भिक्खु पातिमोक्खसंवराय
293
Jain Education International
For Private & Personal Use Only
www.jainelibrary.org
