________________
८. सक्कपञ्चसुत्तवण्णना
निदानवण्णना
३४४. एवं मे सुतन्ति सक्कपञ्चसुत्तं । तत्रायमनुत्तानपदवण्णना- अम्बसण्डा नाम ब्राह्मणगामोति सो किर गामो अम्बसण्डानं अविदूरे निविट्ठो, तस्मा “अम्बसण्डा" त्वेव वुच्चति । वेदियके पब्बतेति सो किर पब्बतो पब्बतपादे जातेन मणिवेदिकासदिसेन नीलवनसण्डेन समन्ता परिक्खित्तो, तस्मा 'वेदियकपब्बतो' त्वेव सङ्ख्यं गतो । इन्दसालगुहायन्ति पुब्बेपि सा द्विन्नं पब्बतानं अन्तरे गुहा, इन्दसालरुक्खो चस्सा द्वारे, तस्मा 'इन्दसालगुहा'ति सङ्ख्यं गता। अथ नं कुट्टेहि परिक्खिपित्वा द्वारवातपानानि योजेत्वा सुपरिनिहितसुधाकम्ममालाकम्मलताकम्मविचित्तं लेणं कत्वा भगवतो अदंसु | पुरिमवोहारवसेन पन “इन्दसालगुहा' त्वेव नं सजानन्ति। तं सन्धाय वुत्तं 'इन्दसालगुहाय'न्ति ।
उस्सुक्कं उदपादीति धम्मिको उस्साहो उप्पज्जि । ननु च एस अभिण्हदस्सावी भगवतो, न सो देवतासन्निपातो नाम अत्थि, यत्थायं न आगतपुब्बो, सक्केन सदिसो अप्पमादविहारी देवपुत्तो नाम नत्थि । अथ कस्मा बुद्धदस्सनं अनागतपुब्बस्स विय अस्स उस्साहो उदपादीति ? मरणभयेन सन्तज्जितत्ता। तस्मिं किरस्स समये आयु परिक्खीणो, सो पञ्च पुब्बनिमित्तानि दिस्वा “परिक्खीणो दानि मे आयू"ति अञासि । येसञ्च देवपुत्तानं मरणनिमित्तानि आवि भवन्ति, तेसु ये परित्तकेन पुञकम्मेन देवलोके निब्बत्ता, ते “कुहिं नु खो इदानि निब्बत्तिस्सामा''ति भयं सन्तासं आपज्जन्ति । ये कतभीरुत्ताना बहुं पुजं कत्वा निब्बत्ता, ते अत्तना दिन्नदानं रखितसीलं भावितभावनञ्च आगम्म "उपरिदेवलोके सम्पत्तिं अनुभविस्सामा"ति न भायन्ति ।
260
Jain Education International
For Private & Personal Use Only
www.jainelibrary.org
