________________
(७.३४३-३४३)
देवतासन्निपातवण्णना
२५७
मारसेनं अपेसयि । पाणिना तलमाहच्चाति हत्थेन पथवीतलं पहरित्वा । सरं कत्वान भेरवन्ति मारविभिंसकदस्सनत्थं भयानकं सरञ्च कत्वा ।
यथा पावुस्सको मेघो, थनयन्तो सविज्जुकोति सविज्जुको पावुस्सकमेघो विय महागज्जितं गज्जन्तो। तदा सो पच्चुदावत्तीति तस्मिं समये सो मारो तं विभिंसनकं दस्सेत्वा पटिनिवत्तो । सङ्घद्धो असयं वसेति सुटु कुद्धो कुपितो कञ्चि वसे वत्तेतुं असक्कोन्तो असयंवसे असयंवसी अत्तनो वसेन अकामको हुत्वा निवत्तो। भगवा किर "अयं मारो इमं महासमागमं दिस्वा 'अभिसमयन्तरायं करिस्सामीति अन्तरन्तरे मारसेनं पेसेत्वा मारं विभिंसकं दस्सेती"ति अज्ञासि । पकति चेसा भगवतो, यत्थ अभिसमयो न भविस्सति, तत्थ मारं विभिंसकं दस्सेन्तं न निवारेति । यत्थ पन अभिसमयो होति, तत्थ यथा परिसा नेव मारस्स रूपं पस्सति, न सदं सुणाति, एवं अधिट्ठातीति | इमस्मिञ्च समागमे महाभिसमयो भविस्सति, तस्मा यथा देवता नेव तस्स रूपं पस्सन्ति, न सदं सुणन्ति, एवं अधिट्टासि । तेन वुत्तं-“तदा सो पच्चुदावत्ति, सङ्घद्धो असयंवसे''ति ।
३४३. तञ्च सब्बं अभिज्ञाय, ववत्थित्वान चक्खुमाति तं सब्बं भगवा जानित्वा ववत्थपेत्वा च ।
मारसेना अभिक्कन्ता, ते विजानाथ भिक्खयोति भिक्खवे मारसेना अभिक्कन्ता, ते तुम्हे अत्तनो अनुरूपं विजानाथ, फलसमापत्तिं समापज्जथाति वदति । आतप्पमकरुन्ति फलसमापत्तिं पविसनत्थाय वीरियं आरभिंसु । वीतरागेहि पक्कामुन्ति मारो च मारसेना च वीतरागेहि अरियेहि दूरतोव अपक्कमुं। नेसं लोमापि इञ्जयुन्ति तेसं वीतरागानं लोमानिपि न चालयिंसु । अथ मारो भिक्खुसद्धं आरब्भ इमं गाथं अभासि -
"सब्बे विजितसङ्गामा, भयातीता यसस्सिनो । मोदन्ति सह भूतेहि, सावका ते जनेसुता''ति ।।
तत्थ मोदन्ति सह भूतेहीति दसबलस्स सासने भूतेहि सजातेहि अरियेहि सद्धिं मोदन्ति पमोदन्ति । जनेसुताति जने विस्सुता पाकटा अभिञाता।
257
Jain Education International
For Private & Personal Use Only
www.jainelibrary.org
