________________
२५४
दीघनिकाये महावग्गट्ठकथा
(७.३४०-३४०)
वेण्डू च देवाति वेण्डुदेवता च । सहलि चाति सहलिदेवता च । असमा च दुवे यमाति असमदेवता च द्वे च यमका देवा । चन्दस्सुपनिसा देवा, चन्दमागु पुरक्खत्वाति चन्दनिस्सितका देवा चन्दं पुरतो कत्वा आगता। तथा सूरियनिस्सितका देवा सूरियं पुरक्खत्वा । नक्खत्तानि पुरक्खत्वाति नक्खत्तनिस्सितापि देवा नक्खत्तानि पुरतो कत्वा आगता। आगुं मन्दवलाहकाति वातवलाहका, अब्भवलाहका, उण्हवलाहका एते सब्बेपि वलाहकायिका “मन्दवलाहका" नाम वुच्चन्ति । तेपि आगताति अत्थो । वसूनं वासवो सेट्ठो, सक्कोपागा पुरिन्ददोति वसूनं देवतानं सेट्ठो वासवो यो सक्कोति च, पुरिन्ददोति च बुच्चति, सोपि आगतो ।
दसेते दसधा कायाति एतेपि दस देवकाया दसधाव आगता । सब्बे नानत्तवण्णिनोति नीलादिवसेन नानत्तवण्णा |
___ अथाणु सहभू देवाति अथ सहभू नाम देवा आगता। जलमग्गिसिखारिवाति अग्गिसिखा विय जलन्ता | जलमग्गि च सिखारिवाति इमानि तेसं नामानीतिपि वुत्तं । अरिद्वका च रोजा चाति अरिट्ठकदेवा च रोजदेवा च । उमापुष्फनिभासिनोति उमापुप्फदेवा नाम एते देवा। उमापुप्फसदिसा हि तेसं सरीराभा, तस्मा “उमापुप्फनिभासिनो'"ति वुच्चन्ति ।
वरुणा सहधम्मा चाति एते च द्वे जना। अच्चुता च अनेजकाति अच्चुतदेवता च अनेजकदेवता च। सुलेय्यरुचिरा आगुन्ति सुलेय्या च रुचिरा च आगता। आगुं वासवनेसिनोति वासवनेसीदेवा नाम आगता । दसेते दसधा कायाति एतेपि दसदेवकाया दसधाव आगता ।
समाना महासमानाति समाना च महासमाना च। मानुसा मानुसुत्तमाति मानुसा च मानुसुत्तमा च । खिड्डापदोसिका आगुं, आगुं मनोपदोसिकाति खिड्डापदोसिका मनोपदोसिका च देवा आगता।
___ अथागु हरयो देवाति हरिदेवा नाम आगता । ये च लोहितवासिनोति लोहितवासिनो च आगता । पारगा महापारगाति एते व दुविधा आगता । दसेते दसधा कायाति एतेपि दसदेवकाया दसधाव आगता।
254
Jain Education International
For Private & Personal Use Only
www.jainelibrary.org
