________________
(५.२८८-२८८)
तिविधओकासाधिगमवण्णना
२११
यस्मिं समये लोकुत्तरं झानं भावेति निय्यानिकं अपचयगामि दिट्टिगतानं पहानाय पठमाय भूमिया पत्तिया विविच्चेव कामेहि पठमं झानं उपसम्पज्ज विहरति दुक्खापटिपदं दन्धाभिधे । यो तस्मिं समये छन्दो छन्दिकता कत्तुकम्यता कुसलो धम्मच्छन्दो, अयं वुच्चति छन्दिद्धिपादो, अवसेसा धम्मा छन्दिद्धिपादसम्पयुत्ता"ति (विभं० ४५८) । इमे पन लोकुत्तरवसेनेव आगता। तत्थ रट्ठपालत्थेरो छन्दं धुरं कत्वा लोकुत्तरं धम्मं निब्बत्तेसि । सोणत्थेरो वीरियं धुरं कत्वा, सम्भूतत्थेरो चित्तं धुरं कत्वा, आयस्मा मोघराजा वीमंसं धुरं कत्वाति ।
तत्थ यथा चतूसु अमच्चपुत्तेसु ठानन्तरं पत्थेत्वा राजानं उपनिस्साय विहरन्तेसु एको उपट्ठाने छन्दजातो रो अज्झासयञ्च रुचिञ्च ञत्वा दिवा च रत्तो च उपट्ठहन्तो राजानं आराधेत्वा ठानन्तरं पापुणि। यथा सो, एवं छन्दधुरेन लोकुत्तरधम्मनिब्बत्तको वेदितब्बो।
एको पन - “दिवसे दिवसे उपट्ठातुं को सक्कोति, उप्पन्ने किच्चे परक्कमेन आराधेस्सामी"ति कुपिते पच्चन्ते रञा पहितो परक्कमेन सत्तुमद्दनं कत्वा ठानन्तरं पापुणि । यथा सो, एवं वीरियधुरेन लोकुत्तरधम्मनिब्बत्तको वेदितब्बो ।
एको- “दिवसे दिवसे उपट्टानम्पि उरेन सत्तिसरपटिच्छन्नम्पि भारोयेव, मन्तबलेन आराधेस्सामी''ति खत्तविज्जाय कतपरिचयत्ता मन्तसंविधानेन राजानं आराधेत्वा ठानन्तरं पापुणाति । यथा सो, एवं चित्तधुरेन लोकुत्तरधम्मनिब्बत्तको वेदितब्बो ।
अपरो – “किं इमेहि उपट्ठानादीहि, राजानो नाम जातिसम्पन्नस्स ठानन्तरं देन्ति, तादिसस्स देन्तो मय्हं दस्सती"ति जातिसम्पत्तिमेव निस्साय ठानन्तरं पापुणि, यथा सो, एवं सुपरिसुद्धं वीमंसं निस्साय वीमंसधुरेन लोकुत्तरधम्मनिब्बत्तको वेदितब्बो।
अनेकविहितन्ति अनेकविधं | इद्धिविधन्ति इद्धिकोट्ठासं ।
तिविधओकासाधिगमवण्णना २८८. सुखस्साधिगमायाति झानसुखस्स मग्गसुखस्स फलसुखस्स च अधिगमाय ।
211
Jain Education International
For Private & Personal Use Only
www.jainelibrary.org
