Page Text
________________
२०४
दीघनिकाये महावग्गट्ठकथा
(४.२७२-२७२)
वत्थकोटिसहस्सानि निवासनपारुपनदानस्स निस्सन्देन निब्बत्तानि । चतुरासीति थालिपाकसहस्सानि भोजनदानस्स निस्सन्देन निब्बत्तानीति वेदितब्बानि ।
२७२. एवं भगवा महासुदस्सनस्स सम्पत्तिं आदितो पट्ठाय वित्थारेन कथेत्वा सब्बं तं दारकानं पंस्वागारकीळनं विय दस्सेन्तो परिनिब्बानमञ्चके निपन्नोव पस्सानन्दातिआदिमाह । तत्थ विपरिणताति पकतिविजहनेन निब्बुतपदीपो विय अपञत्तिकभावं गता। एवं अनिच्चा खो, आनन्द, सङ्घाराति एवं हुत्वा अभावढेन अनिच्चा।
एत्तावता भगवा यथा नाम पुरिसो सतहत्थूब्बेधे चम्पकरुक्खे निस्सेणिं बन्धित्वा अभिरुहित्वा चम्पकपुर्फ आदाय निस्सेणिं मुञ्चन्तो ओतरेय्य, एवमेव निस्सेणिं बन्धन्तो विय अनेकवस्सकोटिसतसहस्सुब्बेधं महासुदस्सनसम्पत्ति आरुयह सम्पत्तिमत्थके ठितं
अनिच्चलक्खणं आदाय निस्सेणिं मुञ्चन्तो विय ओतिण्णो | तेनेव पुब्बे वसभराजा दीघभाणकत्थेरानं लोहपासादस्स पाचीनपस्से अम्बलट्ठिकायं इमं सुत्तं सज्झायन्तानं सुत्वा - "किं, भो, मय्हं अय्यकेन एत्थ वुत्तं, अत्तनो खादितपीतट्टाने सम्पत्तिमेव कथेती"ति चिन्तेन्तो- “एवं अनिच्चा खो, आनन्द, सङ्घारा"ति वुत्तकाले “इमं, भो, दिस्वा पञ्चहि चक्खूहि चक्खुमता एवं वुत्त"न्ति वामहत्थं समिञ्जित्वा दक्खिणहत्थेन अप्फोटेत्वा- “साधु साधू''ति तुट्ठहदयो साधुकारं अदासि ।
एवं अर्द्धवाति एवं उदकपुप्फुळादयो विय धुवभावविरहिता। एवं अनस्सासिकाति एवं सुपिनके पीतपानीयं विय अनुलित्तचन्दनं विय च अस्सासविरहिता ।
सरीरं निक्खिपेय्याति सरीरं छड्डेय्य । इदानि अञस्स सरीरस्स निक्खेपो वा पटिजग्गनं वा नत्थि किलेसपहीनत्ता, आनन्द, तथागतस्साति वदति । इदं पन वत्वा पुन थेरं आमन्तेसि, चक्कवत्तिनो आनुभावो नाम रो पब्बजितस्स सत्तमे दिवसे अन्तरधायति । महासुदस्सनस्स पन कालङ्किरियतो सत्तमेव दिवसे सत्तरतनपाकारा सत्तरतनताला चतुरासीति पोक्खरणीसहस्सानि धम्मपासादो धम्मपोक्खरणी चक्करतनन्ति सब्बमेतं अन्तरधायीति । हत्थिआदीसु पन अयं धम्मता खीणायुका सहेव कालङ्करोन्ति । आयुसेसे सति हत्थिरतनं उपोसथकुलं गच्छति, अस्सरतनं वलाहककुलं, मणिरतनं
204
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |