Page Text
________________
२००
दीघनिकाये महावग्गट्ठकथा
(४.२६०-२६०)
महतिया इद्धिया समन्नागतो। महानुभावोति तेसंयेव अनुभवितब्बानं महन्तताय महानुभावेन समन्नागतो। सेय्यथिदन्ति निपातो, तस्स- “कतमेसं तिण्ण"न्ति अत्थो । दानस्साति सम्पत्तिपरिच्चागस्स । दमस्साति आळवकसुत्ते पञा दमोति आगतो। इध अत्तानं दमेन्तेन कतं उपोसथकम्मं । संयमस्साति सीलस्स |
बोधिसत्तपुब्बयोगवण्णना इध ठत्वा पनस्स पुब्बयोगो वेदितब्बो - राजा किर पुब्बे गहपतिकुले निब्बत्ति । तेन च समयेन धरमानकस्सेव कस्सपबुद्धस्स सासने एको थेरो अरजे वासं वसति, बोधिसत्तो अत्तनो कम्मेन अरचं पविठ्ठो थेरं दिस्वा उपसङ्कमित्वा वन्दित्वा थेरस्स निसज्जनट्ठानचङ्कमनट्ठानानि ओलोकेत्वा पुच्छि – “इधेव, भन्ते, अय्यो वसती"ति ? आम, उपासकाति सुत्वा- "इधेव अय्यस्स पण्णसालं कातुं वट्टती"ति चिन्तेत्वा अत्तनो कम्म पहाय दब्बसम्भारं कोठूत्वा पण्णसालं कत्वा छादेत्वा भित्तियो मत्तिकाय लिम्पित्वा द्वारं योजेत्वा कट्टत्थरणं कत्वा – “करिस्सति नु खो परिभोगं, न करिस्सती"ति एकमन्तं निसीदि । थेरो अन्तोगामतो आगन्त्वा पण्णसालं पविसित्वा कट्टत्थरणे निसीदि । उपासकोपि आगन्त्वा वन्दित्वा समीपे निसिन्नो “फासुका, भन्ते, पण्णसाला''ति पुच्छि। फासुका, भद्दमुख, पब्बजितसारुप्पाति। वसिस्सथ, भन्ते, इधाति ? आम, उपासकाति, सो अधिवासनाकारेन वसिस्सतीति ञत्वा निबद्धं मय्हं घरद्वारं आगन्तब्बन्ति पटिजानापेत्वा"एकं मे, भन्ते, वरं देथा''ति आह । अतिक्कन्तवरा, उपासक, पब्बजिताति । भन्ते, यञ्च कप्पति, यञ्च अनवज्जन्ति । वदेहि उपासकाति । भन्ते, निबद्धवसनट्ठाने नाम मनुस्सा मङ्गले वा अमङ्गले वा आगमनं इच्छन्ति, अनागच्छन्तस्स कुज्झन्ति । तस्मा अनं निमन्तितट्टानं गन्त्वापि मह घरं पविसित्वाव भत्तकिच्चं निट्ठापेतब्बन्ति । थेरो अधिवासेसि ।
सो पण्णसालाय कटसाटकं पत्थरित्वा मञ्चपीठं पञपेसि, अपस्सेनं निक्खिपि, पादकथलिकं ठपेसि, पोक्खरणिं खणि, चङ्कम कत्वा वालिकं ओकिरि, मिगे आगन्त्वा भित्तिं घंसित्वा मत्तिकं पातेन्ते दिस्वा कण्टकवतिं परिक्खिपि । पोक्खरणिं ओतरित्वा उदकं आळुलिकं करोन्ते दिस्वा अन्तो पासाणेहि चिनित्वा बहि कण्टकवतिं परिक्खिपित्वा अन्तोवतिपरियन्ते तालपन्तियो रोपेति, महाचङ्कमे सम्मट्ठट्टानं आळुलेन्ते दिस्वा चङ्कमम्पि वतिया परिक्खिपित्वा अन्तोवतिपरियन्ते तालपन्तिं रोपेसि । एवं आवासं
200
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |