Page Text
________________
( ४.२४३-२४३)
चक्करतनवण्णना
आततविततं सुसिरं घनन्ति इमेहि पञ्चहङ्गेहि समन्नागतस्स । तत्थ आततं नाम चम्मपरियोनद्धेसु भेरीआदीसु एकतलं तूरियं । विततं नाम उभयतलं । आततविततं नाम सब्बतो परियोनद्धं । सुसिरं नाम वंसादि । घनं नाम सम्मादि । सुविनीतस्साति आकड्ढनसिथिलकरणादीहि सुमुच्छितस्स । सुप्पटिताळितस्साति पमाणे ठितभावजाननत्थं सु पटिताळितस्स । सुकुसलेहि समन्नाहतस्साति ये वादितुं छेका कुसला, तेहि वादितस्स । धुत्ताति अक्खधुत्ता, । सोण्डाति सुरासोण्डा । तेयेव पुनप्पुनं पातुकामतावसेन पिपासा । परिचारेसुन्ति (दी० नि० २.१३२) हत्थं वा पादं वा चालेत्वा नच्चन्ता कीळिंसु ।
चक्करतनवण्णना
२४३. सीसं न्हातस्साति सीसेन सद्धिं गन्धोदकेन नहातस्स । उपोसथिकस्साति समादिन्नउपोसथङ्गस्स । उपरिपासादवरगतस्साति पासादवरस्स उपरि गतस्स, सुभोजनं भुञ्जित्वा पासादवरस्स उपरिमहातले सिरिगब्भं पविसित्वा सीलानि आवज्जन्तस्स । तदा किर राजा पातोव सतसहस्सं विस्सज्जेत्वा महादानं दत्वा सोळसहि गन्धोदकघटेहि सीसं नहायित्वा कतपातरासो सुद्धं उत्तरासङ्गं एकंसं करित्वा उपरिपासादस्स सिरिसयने पल्लङ्कं आभुजित्वा निसिन्नो अत्तनो दानादिमयं पुञ्ञसमुदायं आवज्जन्तो निसीदि । अयं सब्बचक्कवत्तीनं धम्मता ।
१८७
तेसं तं आवज्जन्तानंयेव वुत्तप्पकारपुञ्ञकम्मपच्चयउतुसमुट्ठानं नीलमणिसङ्घातसदिसं पाचीनसमुद्दजलतलं भिन्दमानं विय, आकासं अलङ्कुरुमानं विय दिब्बं चक्करतनं पातुभवति। तं महासुदस्सनस्सापि तथेव पातुरहोसि । तयिदं दिब्बानुभावयुत्तत्ता दिब्बन्ति वृत्तं । सहस्सं अस्स अरानन्ति सहस्सारं । सह नेमिया, सह नाभिया चाति सनेमिकं सनाभिकं । सब्बेहि आकारेहि परिपुण्णन्ति सब्बाकारपरिपूरं ।
Jain Education International
तत्थ चक्कञ्च तं रतिजननट्ठेन रतनञ्चाति चक्करतनं । याय पन तं नाभिया " सनाभिक "न्ति वृत्तं सा इन्दनीलमया होति, मज्झे पनस्सा साररजतमया पनाकि, याय सुद्धसिनिद्धदन्तपन्तिया हसमाना विय विरोचति, मज्झे छिद्देन विय चन्दमण्डलेन, उभोसुपि बाहिरन्तेसु रजतपट्टे कतरिक्खेपा होति । सु पनस्स नाभिपनाळिपरिक्खेपपट्टेसु युत्तयुत्तट्ठानेसु परिच्छेदलेखा सुविभत्ताव हुत्वा पञ्ञायन्ति । अयं ताव अस्स नाभिया सब्बाकारपरिपूरता ।
187
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |