Page Text
________________
१८४
दीघनिकाये महावग्गट्ठकथा
(३.२४०-२४०)
ठान"न्ति वत्वा गच्छे हारेत्वा पासाणथूपञ्च पंसुञ्च अपनेत्वा हेट्ठा सुधाभूमिं अद्दस । ततो सुधञ्च इट्टकायो च हारेत्वा अनुपुब्बेन परिवेणं ओरुय्ह सत्तरतनवालुकं असिहत्थानि च कट्टरूपकानि सम्परिवत्तकानि अद्दस । सो यक्खदासके पक्कोसापेत्वा बलिकम्मं कारेत्वापि नेव अन्तं न कोटिं पस्सन्तो देवतानं नमस्समानो- “अहं इमा धातुयो गहेत्वा चतुरासीतिया विहारसहस्सेसु निदहित्वा सक्कारं करोमि, मा मे देवता अन्तरायं करोन्तू"ति आह ।
सक्को देवराजा चारिकं चरन्तो तं दिस्वा विस्सकम्मं आमन्तेसि- "तात, असोको धम्मराजा 'धातुयो नीहरिस्सामी ति परिवेणं ओतिण्णो, गन्त्वा कट्टरूपकानि हारेही"ति । सो पञ्चचूळगामदारकवेसेन गन्त्वा रओ पुरतो धनुहत्थो ठत्वा - "हरामि महाराजा'"ति आह । “हर, ताता"ति सरं गहेत्वा सन्धिम्हियेव विज्झि, सब्बं विप्पकिरियित्थ । अथ राजा आविञ्छने बन्धं कुञ्चिकमुद्दिकं गण्हि, मणिक्खन्धं पस्सि । “अनागते दलिद्दराजा इमं मणिं गहेत्वा धातूनं सक्कारं करोतू"ति पुन अक्खरानि दिस्वा कुज्झित्वा - “मादिसं नाम राजानं दलिद्दराजाति वत्तुं अयुत्त"न्ति पुनप्पुनं घटेत्वा द्वारं विवरापेत्वा अन्तोगेहं पविठ्ठो ।
__ अट्ठारसवस्साधिकानं द्विन्नं वस्ससतानं उपरि आरोपितदीपा तथैव पज्जलन्ति । नीलुप्पलपुप्फानि तङ्खणं आहरित्वा आरोपितानि विय, पुष्फसन्थारो तङ्खणं सन्थतो विय, गन्धा तं मुहुत्तं पिसित्वा ठपिता विय राजा सुवण्णपट्ट गहेत्वा – “अनागते पियदासो नाम कुमारो छत्तं उस्सापेत्वा असोको नाम धम्मराजा भविस्सति सो इमा धातुयो वित्थारिका करिस्सती"ति वाचेत्वा - "दिह्रो भो, अहं अय्येन महाकस्सपत्थेरेना"ति वत्वा वामहत्थं आभुजित्वा दक्खिणेन हत्थेन अप्फोटेसि । सो तस्मिं ठाने परिचरणधातुमत्तमेव ठपेत्वा सेसा धातुयो गहेत्वा धातुगेहं पुब्बे पिहितनयेनेव पिदहित्वा सब्बं यथापकतियाव कत्वा उपरि पासाणचेतियं पतिट्ठापेत्वा चतुरासीतिया विहारसहस्सेसु धातुयो पतिट्टापेत्वा महाथेरे वन्दित्वा पुच्छि- “दायादोम्हि, भन्ते, बुद्धसासने''ति । किस्स दायादो त्वं, महाराज, बाहिरको त्वं सासनस्साति । भन्ते, छन्नतिकोटिधनं विस्सज्जेत्वा चतुरासीति विहारसहस्सानि कारेत्वा अहं न दायादो, अञो को दायादोति ? पच्चयदायको नाम त्वं महाराज, यो पन अत्तनो पुत्तञ्च धीतरञ्च पब्बाजेति, अयं सासने दायादो नामाति । सो पुत्तञ्च धीतरञ्च पब्बाजेसि । अथ नं थेरा आहंसु- “इदानि, महाराज, सासने दायादोसी"ति ।
184
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |