Page Text
________________
१७४
दीघनिकाये महावग्गट्ठकथा
(३.२३३-२३४)
कप्पियाकप्पियं कथेस्सन्ति । अथायं पापो सयमेव निग्गहं पापुणिस्सति, पुन सीसं उक्खिपितुं न सक्खिस्सति, सासनं इद्धञ्चेव फीतञ्च भविस्सती"ति ।
सो एवं नाम मय्हं चित्तं उप्पन्नन्ति कस्सचि अनारोचेत्वा भिक्खुसद्धं समस्सासेसि । तेन वुत्तं - “अथ खो आयस्मा महाकस्सपो...पे०... नेतं ठानं विज्जती"ति ।
२३३. चितकन्ति वीसरतनसतिकं चन्दनचितकं। आळिम्पेस्सामाति अग्गिं गाहापेस्साम । न सक्कोन्ति आळिम्पेतुन्ति अट्ठपि सोळसपि द्वत्तिंसपि जना जालनत्थाय यमकयमकउक्कायो गहेत्वा तालवण्टेहि बीजन्ता भस्ताहि धमन्ता तानि तानि कारणानि करोन्तापि न सक्कोन्तियेव अग्गिं गाहापेतुं । देवतानं अधिप्पायोति एत्थ ता किर देवता थेरस्स उपट्ठाकदेवताव । असीतिमहासावकेसु हि चित्तानि पसादेत्वा तेसं उपट्ठाकानि असीतिकुलसहस्सानि सग्गे निब्बत्तानि । तत्थ थेरे चित्तं पसादेत्वा सग्गे निब्बत्ता देवता तस्मिं समागमे थेरं अदिस्वा- “कुहिं नु खो अम्हाकं कुलूपकत्थेरो"ति अन्तरामग्गे पटिपन्नं दिस्वा “अम्हाकं कुलूपकत्थेरेन अवन्दिते चितको मा पज्जलित्था"ति अधिहिंसु ।
___ मनुस्सा तं सुत्वा - “महाकस्सपो किर नाम भो भिक्खु पञ्चहि भिक्खुसतेहि सद्धिं 'दसबलस्स पादे वन्दिस्सामी'ति आगच्छति। तस्मिं किर अनागते चितको न पज्जलिस्सति । कीदिसो भो सो भिक्खु काळो ओदातो दीघो रस्सो, एवरूपे नाम भो भिक्खुम्हि ठिते किं दसबलस्स परिनिब्बानं नामा"ति केचि गन्धमालादिहत्था पटिपथं गच्छिंसु । केचि वीथियो विचित्ता कत्वा आगमनमग्गं ओलोकयमाना अटुंसु ।
२३४. अथ खो आयस्मा महाकस्सपो येन कुसिनारा...पे०... सिरसा वन्दीति थेरो किर चितकं पदक्खिणं कत्वा आवज्जन्तोव सल्लक्खेसि - "इमस्मिं ठाने सीसं, इमस्मिं ठाने पादा''ति । ततो पादानं समीपे ठत्वा अभिज्ञापादकं चतुत्थज्झानं समापज्जित्वा वुट्टाय - “अरासहस्सपटिमण्डितचक्कलक्खणपतिहिता दसबलस्स पादा सद्धिं कप्पासपटलेहि पञ्च दुस्सयुगसतानि सुवण्णदोणिं चन्दनचितकञ्च द्वेधा कत्वा मय्हं उत्तमङ्गे सिरस्मिं पतिठ्ठहन्तू"ति अधिट्टासि । सह अधिट्ठानचित्तेन तानि पञ्च दुस्सयुगसतानि द्वेधा कत्वा वलाहकन्तरा पुण्णचन्दो विय पादा निक्खमिंसु । थेरो विकसितरत्तपदुमसदिसे हत्थे पसारेत्वा सुवण्णवण्णे सत्थुपादे याव गोप्फका दळ्हं गहेत्वा अत्तनो सिरवरे पतिठ्ठपेसि । तेन वुत्तं - "भगवतो पादे सिरसा वन्दी'ति ।
174
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |