________________
(३.२१६-२१६)
तथागतपच्छिमवाचावण्णना__
१६३
पब्बाजेहि, इमं ओवद, इमं अनुसासा''ति वदति, सो तेन अत्तनो ठाने ठपितो होति, तस्मा तस्स - "इमं पब्बजेहि, इमं ओवद, इमं अनुसासा"ति इमे लाभा होन्ति । थेरम्पि सुभद्दो तमेव बाहिरसमयं गहेत्वा एवमाह ।
अलत्थ खोति कथं अलत्थ ? थेरो किर नं एकमन्तं नेत्वा उदकतुम्बतो पानीयेन सीसं तेमेत्वा तचपञ्चककम्मट्ठानं कथेत्वा केसमस्सुं ओहारेत्वा कासायानि वत्थानि अच्छादापेत्वा सरणानि दत्वा भगवतो सन्तिकं आनेसि । भगवा उपसम्पादेत्वा कम्मट्ठानं आचिक्खि । सो तं गहेत्वा उय्यानस्स एकमन्ते चङ्कम अधिट्ठाय घटेन्तो वायमन्तो विपस्सनं वड्डेन्तो सह पटिसम्भिदाहि अरहत्तं पत्वा आगम्म भगवन्तं वन्दित्वा निसीदि । तं सन्धाय - “अचिरूपसम्पन्नो खो पना"तिआदि वुत्तं ।
__सो च भगवतो पच्छिमो सक्खिसावको अहोसीति सङ्गीतिकारकानं वचनं । तत्थ यो भगवति धरमाने पब्बजित्वा अपरभागे उपसम्पदं लभित्वा कम्मट्ठानं गहेत्वा अरहत्तं पापुणाति, उपसम्पदम्पि वा धरमानेयेव लभित्वा अपरभागे कम्मट्ठानं गहेत्वा अरहत्तं पापुणाति, कम्मट्ठानम्पि वा धरमानेयेव गहेत्वा अपरभागे अरहत्तमेव पापुणाति, सब्बोपि सो पच्छिमो सक्खिसावको । अयं पन धरमानेयेव भगवति पब्बजितो च उपसम्पन्नो च कम्मट्ठानञ्च गहेत्वा अरहत्तं पत्तोति ।।
पञ्चमभाणवारवण्णना निहिता ।
तथागतपच्छिमवाचावण्णना
२१६. इदानि भिक्खुसङ्घस्स ओवादं आरभि, तं दस्सेतुं अथ खो भगवातिआदि वुत्तं । तत्थ देसितो पञत्तोति धम्मोपि देसितो चेव पञत्तो च, विनयोपि देसितो चेव पञ्चत्तो च । पञ्जत्तो च नाम ठपितो पट्टपितोति अत्थो। सो वो ममच्चयेनाति सो धम्मविनयो तुम्हाकं ममच्चयेन सत्था । मया हि वो ठितेनेव - "इदं लहुकं, इदं गरुकं, इदं सतेकिच्छं, इदं अतेकिच्छं, इदं लोकवज्जं, इदं पण्णत्तिवज्जं, अयं आपत्ति पुग्गलस्स सन्तिके वुट्ठाति, अयं आपत्ति गणस्स सन्तिके वुट्ठाति, अयं सङ्घस्स सन्तिके
163
Jain Education International
For Private & Personal Use Only
www.jainelibrary.org
