Page Text
________________
(३.१३७-१३७)
भिक्खुअपरिहानियधम्मवण्णना
१०५
अप्पसन्ना | सम्पत्तभिक्खूनं पच्चुग्गमनपत्तचीवरप्पटिग्गहणआसनपञापनतालवण्टग्गहणादीनि न करोन्ति, अथ नेसं अवण्णो उग्गच्छति- “असुकविहारवासिनो भिक्खू अस्सद्धा अप्पसन्ना विहारं पविट्ठानं वत्तपटिवत्तं न करोन्ती''ति । तं सुत्वा पब्बजिता विहारद्वारेन गच्छन्तापि विहारं न पविसन्ति । एवं अनागतानं अनागमनमेव होति । आगतानं पन फासुविहारे असति येपि अजानित्वा आगता, ते- “वसिस्सामाति ताव चिन्तेत्वा आगताम्ह, इमेसं पन नेवासिकानं इमिना नीहारेन को वसिस्सती"ति निक्खमित्वा गच्छन्ति । एवं सो विहारो अक्षेसं भिक्खूनं अनावासोव होति । ततो नेवासिका सीलवन्तानं दस्सनं अलभन्ता कङ्खाविनोदनं वा आचारसिक्खापकं वा मधुरधम्मस्सवनं वा न लभन्ति, तेसं नेव अग्गहितधम्मग्गहणं, न गहितसज्झायकरणं होति । इति नेसं हानियेव होति, न वुद्धि ।
ये पन सब्रह्मचारीनं आगमनं इच्छन्ति, ते सद्धा होन्ति पसन्ना, आगतानं सब्रह्मचारीनं पच्चुग्गमनादीनि कत्वा सेनासनं पञपेत्वा देन्ति, ते गहेत्वा भिक्खाचारं पविसन्ति, कॉ विनोदेन्ति, मधुरधम्मस्सवनं लभन्ति । अथ नेसं कित्तिसद्दो उग्गच्छति"असुकविहारभिक्खू एवं सद्धा पसन्ना वत्तसम्पन्ना सङ्गाहका''ति । तं सुत्वा भिक्खू दूरतोपि एन्ति, तेसं नेवासिका वत्तं करोन्ति, समीपं आगन्त्वा वुडतरं आगन्तुकं वन्दित्वा निसीदन्ति, नवकतरस्स सन्तिके आसनं गहेत्वा निसीदन्ति । निसीदित्वा - "इमस्मिं विहारे वसिस्सथ गमिस्सथा'ति पुच्छन्ति । ‘गमिस्सामी'ति वुत्ते- “सप्पायं सेनासनं, सुलभा भिक्खा"तिआदीनि वत्वा गन्तुं न देन्ति। विनयधरो चे होति, तस्स सन्तिके विनयं सज्झायन्ति । सुत्तन्तादिधरो चे, तस्स सन्तिके तं तं धम्म सज्झायन्ति । आगन्तुकानं थेरानं ओवादे ठत्वा सह पटिसम्भिदाहि अरहत्तं पापुणन्ति । आगन्तुका “एकं द्वे दिवसानि वसिस्सामाति आगताम्ह, इमेसं पन सुखसंवासताय दसद्वादसवस्सानि वसिस्सामा"ति वत्तारो होन्ति । एवमेत्थ हानिवुद्धियो वेदितब्बा ।
१३७. दुतियसत्तके कम्मं आरामो एतेसन्ति कम्मारामाति । कम्मे रताति कम्मरता। कम्मारामतमनुयुत्ताति युत्ता पयुत्ता अनुयुत्ता। तत्थ कम्पन्ति इतिकातब्बकम्मं वुच्चति । सेय्यथिदं -- चीवरविचारणं, चीवरकरणं, उपत्थम्भनं, सूचिघरं, पत्तत्थविकं, असंबद्धकं, कायबन्धनं, धमकरणं, आधारकं, पादकथलिकं, सम्मज्जनीआदीनं करणन्ति । एकच्चो हि एतानि करोन्तो सकलदिवसं एतानेव करोति । तं सन्धायेस पटिक्खेपो । यो पन एतेसं करणवेलायमेव एतानि करोति, उद्देसवेलायं उद्देसं गण्हाति, सज्झायवेलायं सज्झायति,
105
Jain Education International
For Private & Personal Use Only
www.jainelibrary.org
| SR No. | 009980 |
| Book Title | Mahavaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 466 |
| Language | Sanskrit |
| Classification | Interfaith & Buddhism |
| File Size | 20 MB |