Page Text
________________
(३.३.९३-९४)
३. चक्कवत्तिसुत्तं
एवमिदं अदिन्नादानं पवड्विस्सति । यंनूनाहं इमं पुरिसं सुनिसेधं निसेधेय्यं, मूलघच्चं करेय्यं, सीसमस्स छिन्देय्य'न्ति । अथ खो, भिक्खवे, राजा खत्तियो मुद्धाभिसित्तो पुरिसे आणापेसि - ‘तेन हि, भणे, इमं पुरिसं दळ्हाय रज्जुया पच्छाबाहं गाळहबन्धनं बन्धित्वा खुरमुण्डं करित्वा खरस्सरेन पणवेन रथिकाय रथिकं सिङ्घाटकेन सिङ्घाटकं परिनेत्वा दक्खिणेन द्वारेन निक्खमित्वा दक्खिणतो नगरस्स सुनिसेधं निसेधेथ, मूलघच्चं करोथ, सीसमस्स छिन्दथा'ति । ‘एवं, देवा'ति खो, भिक्खवे, ते पुरिसा रो खत्तियस्स मुद्धाभिसित्तस्स पटिस्सुत्वा तं पुरिसं दळहाय रज्जुया पच्छाबाहं गाळहबन्धनं बन्धित्वा खुरमुण्डं करित्वा खरस्सरेन पणवेन रथिकाय रथिकं सिङ्घाटकेन सिङ्घाटकं परिनेत्वा दक्खिणेन द्वारेन निक्खमित्वा दक्खिणतो नगरस्स सुनिसेधं निसेधेसुं, मूलघच्चं अकंसु, सीसमस्स छिन्दिंसु ।
९३. “अस्सोसुं खो, भिक्खवे, मनुस्सा - 'ये किर, भो, परेसं अदिन्नं थेय्यसवातं आदियन्ति, ते राजा सुनिसेधं निसेधेति, मूलघच्चं करोति, सीसानि तेसं छिन्दती'ति । सुत्वान तेसं एतदहोसि - ‘यंनून मयम्पि तिहानि सत्थानि कारापेस्साम, तिण्हानि सत्थानि कारापेत्वा येसं अदिन्नं थेय्यसङ्घातं आदियिस्साम, ते सुनिसेधं निसेधेस्साम, मूलघच्चं करिस्साम, सीसानि तेसं छिन्दिस्सामा'ति । ते तिहानि सत्थानि कारापेसं, तिण्हानि सत्थानि कारापेत्वा गामघातम्पि उपक्कमिंसु कातुं, निगमघातम्पि उपक्कमिंसु कातुं, नगरघातम्पि उपक्कमिंसु कातुं, पन्थदुहनम्पि उपक्कमिंसु कातुं। येसं ते अदिन्नं थेय्यसङ्घातं आदियन्ति, ते सुनिसेधं निसेधेन्ति, मूलघच्चं करोन्ति, सीसानि तेसं छिन्दन्ति ।
__९४. “इति खो, भिक्खवे, अधनानं धने अननुप्पदियमाने दालिद्दियं वेपुल्लमगमासि, दालिद्दिये वेपुल्लं गते अदिन्नादानं वेपुल्लमगमासि, अदिन्नादाने वेपुल्लं गते सत्थं वेपुल्लमगमासि, सत्थे वेपुल्लं गते पाणातिपातो वेपुल्लमगमासि, पाणातिपाते वेपुल्लं गते तेसं सत्तानं आयुपि परिहायि, वण्णोपि परिहायि । तेसं आयुनापि परिहायमानानं वण्णेनपि परिहायमानानं असीतिवस्ससहस्सायुकानं मनुस्सानं चत्तारीसवस्ससहस्सायुका पुत्ता अहेसुं ।
“चत्तारीसवस्ससहस्सायुकेसु, भिक्खवे, मनुस्सेसु अञतरो पुरिसो परेसं अदिन्नं थेय्यसङ्खातं आदियि । तमेनं अग्गहेसुं । गहेत्वा रञो खत्तियस्स मुद्धाभिसित्तस्स दस्सेसुं'अयं, देव, पुरिसो परेसं अदिन्नं थेय्यसङ्घातं आदियी'ति । एवं वुत्ते, भिक्खवे, राजा
Jain Education International
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |