________________
दीघनिकायो-३
(३.२.७४-७६)
"तं किं मञ्जसि, निग्रोध, यदि एवं सन्ते तपोजिगुच्छा परिसुद्धा वा होति अपरिसुद्धा वा"ति ? “अद्धा खो, भन्ते, एवं सन्ते तपोजिगुच्छा परिसुद्धा होति नो अपरिसुद्धा, अग्गप्पत्ता च सारप्पत्ता चा''ति ।
७४. “एत्तावता खो, निग्रोध, तपोजिगुच्छा अग्गप्पत्ता च होति सारप्पत्ता च । इति खो, निग्रोध, यं मं त्वं अवचासि - 'को नाम सो, भन्ते, भगवतो धम्मो, येन भगवा सावके विनेति, येन भगवता सावका विनीता अस्सासप्पत्ता पटिजानन्ति अज्झासयं आदिब्रह्मचरिय'न्ति । इति खो तं, निग्रोध, ठानं उत्तरितरञ्च पणीततरञ्च, येनाहं सावके विनेमि, येन मया सावका विनीता अस्सासप्पत्ता पटिजानन्ति अज्झासयं आदिब्रह्मचरियन्ति ।
एवं वुत्ते, ते परिब्बाजका उन्नादिनो उच्चासद्दमहासद्दा अहेसुं- “एत्थ मयं अनस्साम साचरियका, न मयं इतो भिय्यो उत्तरितरं पजानामा"ति।
निग्रोधस्स पज्झायनं ७५. यदा अञासि सन्धानो गहपति- “अञदत्थु खो दानिमे अञ्जतित्थिया परिब्बाजका भगवतो भासितं सुस्सूसन्ति, सोतं ओदहन्ति, अञाचित्तं उपट्ठापेन्तीति । अथ निग्रोधं परिब्बाजकं एतदवोच - "इति खो, भन्ते निग्रोध, यं मं त्वं अवचासि - 'यग्घे, गहपति, जानेय्यासि, केन समणो गोतमो सद्धिं सल्लपति, केन साकच्छं समापज्जति, केन पञ्जावेय्यत्तियं समापज्जति, सुझागारहता समणस्स गोतमस्स पञ्जा, अपरिसावचरो समणो गोतमो नालं सल्लापाय, सो अन्तमन्तानेव सेवति; सेय्यथापि नाम गोकाणा परियन्तचारिनी अन्तमन्तानेव सेवति । एवमेव सुझागारहता समणस्स गोतमस्स पञ्जा, अपरिसावचरो समणो गोतमो नालं सल्लापाय; सो अन्तमन्तानेव सेवति; इच, गहपति, समणो गोतमो इमं परिसं आगच्छेय्य, एकपज्हेनेव नं संसादेय्याम, तुच्छकुम्भीव नं मझे ओरोधेय्यामा'ति । अयं खो सो, भन्ते, भगवा अरहं सम्मासम्बुद्धो इधानुप्पत्तो, अपरिसावचरं पन नं करोथ, गोकाणं परियन्तचारिनिं करोथ, एकपञ्हेनेव नं संसादेथ, तुच्छकुम्भीव नं ओरोधेथा''ति ।
७६. एवं वुत्ते, निग्रोधो परिब्बाजको तुण्हीभूतो मङ्कुभूतो पत्तक्खन्धो अधोमुखो
Jain Education International
For Private & Personal Use Only
www.jainelibrary.org
