________________
(३.२.६०-६२)
(३.२.६०-६२)
२. उदुम्बरिकसुतं
२. उदुम्बरिकसुत्तं
तेन लाभसक्कारसिलोकेन मज्जति मुच्छति पमादमापज्जति । अयम्पि खो, निग्रोध, तपस्सिनो उपक्किलेसो होति ।
६०. “पुन चपरं, निग्रोध, तपस्सी भोजनेसु वोदासं आपज्जति - 'इदं मे खमति, इदं मे नक्खमती'ति । सो यञ्च ख्वस्स नक्खमति, तं सापेक्खो पजहति । यं पनस्स खमति, तं गधितो मुच्छितो अज्झापन्नो अनादीनवदस्सावी अनिस्सरणपञो परिभुजति...पे०... अयम्पि खो, निग्रोध, तपस्सिनो उपक्किलेसो होति ।।
"पुन चपरं, निग्रोध, तपस्सी तपं समादियति लाभसक्कारसिलोकनिकन्तिहेतु - 'सक्करिस्सन्ति मं राजानो राजमहामत्ता खत्तिया ब्राह्मणा गहपतिका तित्थिया'ति...पे०... अयम्पि खो, निग्रोध, तपस्सिनो उपक्किलेसो होति ।
६१. “पुन चपरं, निग्रोध, तपस्सी अञ्जतरं समणं वा ब्राह्मणं वा अपसादेता होति- 'किं पनायं सम्बहुलाजीवो सब्बं संभक्खेति । सेय्यथिदं- मूलबीजं खन्धबीजं फळुबीजं अग्गबीजं बीजबीजमेव पञ्चमं, असनिविचक्कं दन्तकूटं, समणप्पवादेना'ति...पे०... अयम्पि खो, निग्रोध, तपस्सिनो उपक्किलेसो होति ।
"पुन चपरं, निग्रोध, तपस्सी पस्सति अञ्जतरं समणं वा ब्राह्मणं वा कुलेसु सक्करियमानं गरुकरियमानं मानियमानं पूजियमानं । दिस्वा तस्स एवं होति- 'इमहि नाम सम्बहुलाजीवं कुलेसु सक्करोन्ति गरुं करोन्ति मानेन्ति पूजेन्ति । मं पन तपस्सिं लूखाजीविं कुलेसु न सक्करोन्ति न गरुं करोन्ति न मानेन्ति न पूजेन्ती'ति, इति सो इस्सामच्छरियं कुलेसु उप्पादेता होति...पे०... अयम्पि खो, निग्रोध, तपस्सिनो उपक्किलेसो होति ।
६२. “पुन चपरं, निग्रोध, तपस्सी आपाथकनिसादी होति...पे०... अयम्पि खो, निग्रोध, तपस्सिनो उपक्किलेसो होति ।
“पुन चपरं, निग्रोध, तपस्सी अत्तानं अदस्सयमानो कुलेसु चरति - ‘इदम्पि मे तपस्मिं इदम्पि मे तपस्मिन्ति...पे०... अयम्पि खो, निग्रोध, तपस्सिनो उपक्किलेसो होति ।
Jain Education International
For Private & Personal Use Only
www.jainelibrary.org
