Page Text
________________
दीघनिकायो-३
दिवाविहारं निसिन्नो । भासिता खो पनेसा, आवुसो पाथिकपुत्त, समणेन गोतमेन परिसति वाचा अभब्बो अचेलो पाथिकपुत्तो तं वाचं अप्पहाय तं चित्तं अप्पहाय तं दिट्ठि अप्पटिनिस्सज्जित्वा मम सम्मुखीभावं आगन्तुं । सचेपिस्स एवमस्स अहं तं वाचं अप्पहाय तं चित्तं अप्पहाय तं दिट्ठि अप्पटिनिस्सज्जित्वा समणस्स गोतमस्स सम्मुखीभावं गच्छेय्यन्ति, मुद्धापि तस्स विपतेय्य । सचे पायस्मन्तानं लिच्छवीनं एवमस्स मयं अचेलं पाथिकपुत्तं वरत्ताहि बन्धित्वा गोयुगेहि आविञ्छेय्यामाति । ता वरत्ता छिज्जेय्युं पाथिकपुत्तो वा । अभब्बो पन अचेलो पाथिकपुत्तो तं वाचं अप्पहाय तं चित्तं अप्पहाय तं दिट्ठि अप्पटिनिस्सज्जित्वा मम सम्मुखीभावं आगन्तुं । सचेपिस्स एवमस्स - अहं तं वाचं अप्पहाय तं चित्तं अप्पहाय तं दिट्ठि अप्पटिनिस्सज्जित्वा समणस्स गोतमस्स सम्मुखीभावं आगच्छेय्यन्ति, मुद्धापि तस्स विपतेय्याति । अभिक्कमावुसो पाथिकपुत्त, अभिक्कमनेनेव ते जयं करिस्साम, समणस्स गोतमस्स पराजयन्ति ।
१६
" एवं वुत्ते, भग्गव, अचेलो पाथिकपुत्तो 'आयामि आवुसो, आयामि आसोत वत्वा तत्थेव संसप्पति, न सक्कोति आसनापि वुट्ठातुं । अथ खो, भग्गव, जालियो दारुपत्तिकन्तेवासी अचेलं पाथिकपुत्तं एतदवोच - 'किं सु नाम ते, आवुसो पाथिकपुत्त, पावळा सु नाम ते पीठकस्मिं अल्लीना, पीठकं सु नाम ते पावळासु अल्लीनं ? 'आयामि आवुसो, आयामि आवुसो ति वत्वा तत्थेव संसप्पसि, न सक्कोसि आसनापि वुट्टातु 'न्ति । एवम्पि खो, भग्गव, वुच्चमानो अचेलो पाथिकपुत्तो “आयामि आवुसो, आयामि आवसोति वत्वा तत्थेव संसप्पति, न सक्कोति आसनापि वुट्ठातुन्ति ।
(३.१.२७-२७)
२७. “यदा खो, भग्गव, जालियो दारुपत्तिकन्तेवासी अञ्ञासि - 'पराभूतरूपो अयं अचेलो पाथिकपुत्तो 'आयामि आवुसो, आयामि आवुसो ति वत्वा तत्थेव संसप्पति, नसक्कोति आसनापि वुट्ठातुन्ति, अथ नं एतदवोच
Jain Education International
-
'भूतपुब्बं, आवुसो पाथिकपुत्त, सीहस्स मिगरञ एतदहोसि - यंनूनाहं अञ्ञतरं वनसण्डं निस्साय आसयं कप्पेय्यं । तत्रासयं कप्पेत्वा सायन्हसमयं आसया निक्खमेय्यं, आसया निक्खमित्वा विजम्भेय्यं, विजम्भित्वा समन्ता चतुद्दिसा अनुविलोकेय्यं समन्ता चतुद्दिसा अनुविलोकेत्वा तिक्खत्तुं सीहनादं नदेय्यं, तिक्खत्तुं सीहनादं नदित्वा गोचराय पक्कमेय्यं । सो वरं वरं मिगसंघे वधित्वा मुदुमंसानि मुदुमंसानि भक्खयित्वा तमेव आसयं अज्झुपेय्यन्ति ।
16
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |