________________
११. दसुत्तरसुत्तं
३५०. एवं मे सुतं- एकं समयं भगवा चम्पायं विहरति गग्गराय पोक्खरणिया तीरे महता भिक्खुसङ्घन सद्धिं पञ्चमत्तेहि भिक्खुसतेहि । तत्र खो आयस्मा सारिपुत्तो भिक्खू आमन्तेसि - “आवुसो भिक्खवे"ति ! “आवुसो''ति खो ते भिक्खू आयस्मतो सारिपुत्तस्स पच्चस्सोसुं । आयस्मा सारिपुत्तो एतदवोच
"दसुत्तरं पवक्खामि, धम्मं निब्बानपत्तिया । दुक्खस्सन्तकिरियाय, सब्बगन्थप्पमोचनं" ।।
एको धम्मो
३५१. “एको, आवुसो, धम्मो बहुकारो, एको धम्मो भावेतब्बो, एको धम्मो परिज्ञय्यो, एको धम्मो पहातब्बो, एको धम्मो हानभागियो, एको धम्मो विसेसभागियो, एको धम्मो दुप्पटिविज्झो, एको धम्मो उप्पादेतब्बो, एको धम्मो अभिनेय्यो, एको धम्मो सच्छिकातब्बो।
(क) “कतमो एको धम्मो बहुकारो ? अप्पमादो कुसलेसु धम्मेसु । अयं एको धम्मो बहुकारो।
(ख) “कतमो एको धम्मो भावेतब्बो ? कायगतासति सातसहगता। अयं एको धम्मो भावेतब्बो।
217
Jain Education International
For Private & Personal Use Only
www.jainelibrary.org
