________________
१६४
दीघनिकायो-३
(३.९.२९३-२९४)
२९३. “कतमेसं यक्खानं महायक्खानं सेनापतीनं महासेनापतीनं ?
“इन्दो सोमो वरुणो च, भारद्वाजो पजापति । चन्दनो कामसेट्ठो च, किन्नुघण्डु निघण्डु च ।।
“पनादो ओपमञो च, देवसूतो च मातलि । चित्तसेनो च गन्धब्बो, नळो राजा जनेसभो ।।
“सातागिरो हेवमतो, पुण्णको करतियो गुळो । सिवको मुचलिन्दो च, वेस्सामित्तो युगन्धरो ।।
“गोपालो सुप्परोधो च, हिरि नेत्ति च मन्दियो । पञ्चालचण्डो आळवको, पज्जुन्नो सुमनो सुमुखो । दधिमुखो मणि माणिवरो दीघो, अथो सेरीसको सह ।।
"इमेसं यक्खानं महायक्खानं सेनापतीनं महासेनापतीनं उज्झापेतब्बं विक्कन्दितब्बं विरवितब्बं - “अयं यक्खो गण्हाति, अयं यक्खो आविसति, अयं यक्खो हेठेति, अयं यक्खो विहेठेति, अयं यक्खो हिंसति, अयं यक्खो विहिंसति, अयं यक्खो न मुञ्चती"ति । अयं खो, मारिस, आटानाटिया रक्खा भिक्खूनं भिक्खुनीनं उपासकानं उपासिकानं गुत्तिया रक्खाय अविहिंसाय फासुविहाराय । “हन्द च दानि मयं, मारिस, गच्छाम, बहुकिच्चा मयं बहुकरणीया''ति । “यस्स दानि तुम्हे, महाराजानो, कालं मञथा'ति ।
२९४. “अथ खो, भिक्खवे, चत्तारो महाराजा उठायासना मं अभिवादेत्वा पदक्खिणं कत्वा तत्थेवन्तरधायिंसु । तेपि खो, भिक्खवे, यक्खा उट्ठायासना अप्पेकच्चे मं अभिवादेत्वा पदक्खिणं कत्वा तत्थेवन्तरधायिंसु । अप्पेकच्चे मया सद्धिं सम्मोदिंसु, सम्मोदनीयं कथं सारणीयं वीतिसारेत्वा तत्थेवन्तरधायिंसु । अप्पेकच्चे येनाहं तेनञ्जलिं पणामेत्वा तत्थेवन्तरधायिंसु । अप्पेकच्चे नामगोत्तं सावेत्वा तत्थेवन्तरधायिंसु । अप्पेकच्चे तुण्हीभूता तत्थेवन्तरधायिंसु ।
164
Jain Education International
For Private & Personal Use Only
www.jainelibrary.org
