________________
(३.९.२८३-२८३)
९. आटानाटियसुत्तं
१५५
वा...पे०... कुम्भण्डो वा कुम्भण्डी वा...पे०... नागो वा नागी वा नागपोतको वा नागपोतिका वा नागमहामत्तो वा नागपारिसज्जो वा नागपचारो वा पदुट्ठचित्तो भिक्खं वा भिक्खुनिं वा उपासकं वा उपासिकं वा गच्छन्तं वा अनुगच्छेय्य, ठितं वा उपतिठेय्य, निसिन्नं वा उपनिसीदेय्य, निपन्नं वा उपनिपज्जेय्य। इमेसं यक्खानं महायक्खानं सेनापतीनं महासेनापतीनं उज्झापेतब्बं विक्कन्दितब्बं विरवितब्बं - "अयं यक्खो गण्हाति, अयं यक्खो आविसति, अयं यक्खो हेठेति, अयं यक्खो विहेठेति, अयं यक्खो हिंसति, अयं यक्खो विहिंसति, अयं यक्खो न मुञ्चती"ति ।
२८३. “कतमेसं यक्खानं महायक्खानं सेनापतीनं महासेनापतीनं ?
“इन्दो सोमो वरुणो च, भारद्वाजो पजापति । चन्दनो कामसेट्ठो च, किनुघण्डु निघण्डु च ।।
"पनादो ओपमञो च, देवसूतो च मातलि । चित्तसेनो च गन्धब्बो, नळो राजा जनेसभो ।।
"सातागिरो हेमवतो, पुण्णको करतियो गुळो । सिवको मुचलिन्दो च, वेस्सामित्तो युगन्धरो ।।
“गोपालो सुप्परोधो च, हिरि नेत्ति च मन्दियो । पञ्चालचण्डो आळवको, पज्जुन्नो सुमनो सुमुखो । दधिमुखो मणि माणिवरो दीघो, अथो सेरीसको सह ।।
"इमेसं यक्खानं महायक्खानं सेनापतीनं महासेनापतीनं उज्झापेतबं विक्कन्दितब्बं विरवितब्बं - "अयं यक्खो गण्हाति, अयं यक्खो आविसति, अयं यक्खो हेठेति, अयं यक्खो विहेठेति, अयं यक्खो हिंसति, अयं यक्खो विहिंसति, अयं यक्खो न
मुञ्चती'ति ।
___ “अयं खो सा, मारिस, आटानाटिया रक्खा भिक्खूनं भिक्खुनीनं उपासकानं उपासिकानं गुत्तिया रक्खाय अविहिंसाय फासुविहाराय । हन्द च दानि मयं, मारिस,
155
Jain Education International
For Private & Personal Use Only
www.jainelibrary.org
