________________
१३८
दीघनिकायो-३
(३.८.२४७-२५०)
“छन्दा दोसा भया मोहा, यो धम्मं नातिवत्तति । आपूरति यसो तस्स, सुक्कपक्खेव चन्दिमा''ति ।।
छ अपायमुखानि
२४७. “कतमानि छ भोगानं अपायमुखानि न सेवति ? सुरामेरयमज्जप्पमादट्ठानानुयोगो खो, गहपतिपुत्त, भोगानं अपायमुखं, विकालविसिखाचरियानुयोगो भोगानं अपायमुखं, समज्जाभिचरणं भोगानं अपायमुखं, जूतप्पमादट्ठानानुयोगो भोगानं अपायमुखं, पापमित्तानुयोगो भोगानं अपायमुखं, आलस्यानुयोगो भोगानं अपायमुखं ।
सुरामेरयस्स छ आदीनवा
२४८. “छ खोमे, गहपतिपुत्त, आदीनवा सुरामेरयमज्जप्पमादद्वानानुयोगे। सन्दिट्टिका धनजानि, कलहप्पवड्डनी, रोगानं आयतनं, अकित्तिसञ्जननी, कोपीननिदंसनी, पञ्जाय दुब्बलिकरणीत्वेव छटुं पदं भवति। इमे खो, गहपतिपुत्त, छ आदीनवा सुरा-मेरयमज्जप्पमादट्ठानानुयोगे।
विकालचरियाय छ आदीनवा
२४९. “छ खोमे, गहपतिपुत्त, आदीनवा विकालविसिखाचरियानुयोगे । अत्तापिस्स अगुत्तो अरक्खितो होति, पुत्तदारोपिस्स अगुत्तो अरक्खितो होति, सापतेय्यंपिस्स अगुत्तं अरक्खितं होति, सङ्कियो च होति पापकेसु ठानेसु, अभूतवचनञ्च तस्मिं रूहति, बहूनञ्च दुक्खधम्मानं पुरक्खतो होति । इमे खो, गहपतिपुत्त, छ आदीनवा विकालविसिखाचरियानुयोगे।
समज्जाभिचरणस्स छ आदीनवा
२५०. “छ खोमे, गहपतिपुत्त, आदीनवा समज्जाभिचरणे । क्व नच्चं, क्व गीतं, क्व वादितं, क्व अक्खानं, क्व पाणिस्सरं, क्व कुम्भथुनन्ति । इमे खो, गहपतिपुत्त, छ आदीनवा समज्जाभिचरणे ।
138
Jain Education International
For Private & Personal Use Only
www.jainelibrary.org
