________________
१३२
दीघनिकायो-३
(३०) सीहहनुलक्खणं
२३८. “ यम्पि, भिक्खवे, तथागतो पुरिमं जातिं पुरिमं भवं पुरिमं निकेतं पुब्बे मनुस्सभूतो समानो सम्फप्पलापं पहाय सम्फप्पलापा पटिविरतो अहोसि कालवादी भूतवादी अत्थवादी धम्मवादी विनयवादी, निधानवतिं वाचं भासिता अहोसि कालेन सापदेसं परियन्तवतिं अत्थसंहितं । सो तस्स कम्मस्स कटत्ता... पे०... सो ततो चुतो इत्थत्तं आगतो समानो इमं महापुरिसलक्खणं पटिलभति, सीहहनु होति ।
“सो तेन लक्खणेन समन्नागतो सचे अगारं अज्झावसति, राजा होति चक्कवत्ती...पे०.....। राजा समानो किं लभति ? अप्पधंसियो होति केनचि मनुस्सभूतेन पच्चत्थिकेन पच्चामित्तेन । राजा समानो इदं लभति... पे०... । बुद्धो समानो किं लभति ? अप्पधंसियो होति अब्भन्तरेहि वा बाहिरेहि वा पच्चत्थिकेहि पच्चामित्तेहि, रागेन वा दोसेन वा मोहेन वा समणेन वा ब्राह्मणेन वा देवेन वा मारेन वा ब्रह्मना वा केनचि वा लोकस्मिं । बुद्ध समानो इदं लभति" । एतमत्थं भगवा अवोच ।
२३९. तत्थेतं वुच्चति -
"न सम्फप्पलापं न मुद्धतं,
अविकिण्णवचनब्यप्पथो अहोसि । अहितमपि च अपनुदि,
हितमपि च बहुजनसुखञ्च अभणि ।।
"तं कत्वा इतो चुतो दिवमुपपज्जि, सुकतफलविपाकमनुभोसि ।
चविय पुनरिधागतो समानो,
Jain Education International
द्विदुगमवरतरहनुत्तमलत्थ । ।
" राजा होति सुदुप्पधंसियो,
मनुजिन्दो मनुजाधिपति महानुभावो ।
(३.७.२३८-२३९)
132
For Private & Personal Use Only
www.jainelibrary.org
