SearchBrowseAboutContactDonate
Page Preview
Page 155
Loading...
Download File
Download File
Page Text
________________ ११४ दीघनिकायो-३ (३.७.२१०-२११) (७-८) करचरणमुदुजालतालक्खणानि २१०. “यम्पि, भिक्खवे, तथागतो पुरिमं जातिं पुरिमं भवं पुरिमं निकेतं पुब्बे मनुस्सभूतो समानो चतूहि सङ्गहवत्थूहि जनं सङ्गाहको अहोसि- दानेन पेय्यवज्जेन अत्थचरियाय समानत्तताय । सो तस्स कम्मस्स कटत्ता...पे०... सो ततो चुतो इत्थत्तं आगतो समानो इमानि द्वे महापुरिसलक्खणानि पटिलभति । मुदुतलुनहत्थपादो च होति जालहत्थपादो च। “सो तेहि लक्खणेहि समन्नागतो सचे अगारं अज्झावसति, राजा होति चक्कवत्ती...पे०...। राजा समानो किं लभति? सुसङ्गहितपरिजनो होति, सुसङ्गहितास्स होन्ति ब्राह्मणगहपतिका नेगमजानपदा गणकमहामत्ता अनीकट्ठा दोवारिका अमच्चा पारिसज्जा राजानो भोगिया कुमारा। राजा समानो इदं लभति...पे०... | बुद्धो समानो किं लभति ? सुसङ्गहितपरिजनो होति, सुसङ्गहितास्स होन्ति भिक्खू भिक्खुनियो उपासका उपासिकायो देवा मनुस्सा असुरा नागा गन्धब्बा । बुद्धो समानो इदं लभति"। एतमत्थं भगवा अवोच। २११. तत्थेतं वुच्चति - "दानम्पि चत्थचरियतञ्च, ___पियवादितञ्च समानत्ततञ्च । करियचरियसुसङ्गहं बहून, __ अनवमतेन गुणेन याति सग्गं ।। "चविय पुनरिधागतो समानो, करचरणमुदुतञ्च जालिनो च । अतिरुचिरसुवग्गुदस्सनेय्यं, पटिलभति दहरो सुसु कुमारो ।। "भवति परिजनस्सवो विधेय्यो, महिमं आवसितो सुसङ्गहितो । 114 Jain Education International For Private & Personal Use Only www.jainelibrary.org
SR No.009978
Book TitleDighnikayo Part 3
Original Sutra AuthorN/A
AuthorVipassana Research Institute Igatpuri
PublisherVipassana Research Institute Igatpuri
Publication Year1998
Total Pages338
LanguageSanskrit
ClassificationInterfaith & Buddhism
File Size11 MB
Copyright © Jain Education International. All rights reserved. | Privacy Policy