Page Text
________________
(३.६.१६८-१६९)
६. पासादिकसुत्तं
धम्मे धम्मानुधम्मप्पटिपन्नो विहरति सामीचिप्पटिपन्नो अनुधम्मचारी, समादाय तं धम्म वत्तति । सो एवमस्स वचनीयो- "तस्स ते, आवुसो, अलाभा, तस्स ते दुल्लद्धं, सत्था च ते असम्मासम्बुद्धो, धम्मो च दुरक्खातो दुप्पवेदितो अनिय्यानिको अनुपसमसंवत्तनिको असम्मासम्बुद्धप्पवेदितो । त्वञ्च तस्मिं धम्मे धम्मानुधम्मप्पटिपन्नो विहरसि सामीचिप्पटिपन्नो अनुधम्मचारी, समादाय तं धम्मं वत्तसी'ति । इति खो, चुन्द, सत्थापि तत्थ गारव्हो, धम्मोपि तत्थ गारव्हो, सावकोपि तत्थ एवं गारव्हो । यो खो, चुन्द, एवरूपं सावकं एवं वदेय्य - "अद्धायस्मा आयप्पटिपन्नो आयमाराधेस्सती''ति । यो च पसंसति, यञ्च पसंसति, यो च पसंसितो भिय्योसो मत्ताय वीरियं आरभति। सब्बे ते बहु अपुलं पसवन्ति । तं किस्स हेतु ? एवञ्हेतं, चुन्द, होति दुरक्खाते धम्मविनये दुप्पवेदिते अनिय्यानिके अनुपसमसंवत्तनिके असम्मासम्बुद्धप्पवेदिते ।
सम्मासम्बुद्धप्पवेदितधम्मविनयो
१६८. "इध पन, चुन्द, सत्था च होति सम्मासम्बुद्धो, धम्मो च स्वाक्खातो सुप्पवेदितो निय्यानिको उपसमसंवत्तनिको सम्मासम्बुद्धप्पवेदितो, सावको च तस्मिं धम्मे न धम्मानुधम्मप्पटिपन्नो विहरति, न सामीचिप्पटिपन्नो, न अनुधम्मचारी, वोक्कम्म च तम्हा धम्मा वत्तति । सो एवमस्स वचनीयो - "तस्स ते, आवुसो, अलाभा, तस्स ते दुल्लद्धं, सत्था च ते सम्मासम्बुद्धो, धम्मो च स्वाक्खातो सुप्पवेदितो निय्यानिको उपसमसंवत्तनिको सम्मासम्बुद्धप्पवेदितो। त्वञ्च तस्मिं धम्मे न धम्मानुधम्मप्पटिपन्नो विहरसि, न सामीचिप्पटिपन्नो, न अनुधम्मचारी, वोक्कम्म च तम्हा धम्मा वत्तसी"ति । इति खो, चुन्द, सत्थापि तत्थ पासंसो, धम्मोपि तत्थ पासंसो, सावको च तत्थ एवं गारव्हो । यो खो, चुन्द, एवरूपं सावकं एवं वदेय्य – “एतायस्मा तथा पटिपज्जतु यथा ते सत्थारा धम्मो देसितो पञत्तो''ति । यो च समादपेति, यञ्च समादपेति, यो च समादपितो तथत्ताय पटिपज्जति । सब्बे ते बहुं पुनं पसवन्ति । तं किस्स हेतु ? एवज्हेतं, चुन्द, होति स्वाक्खाते धम्मविनये सुप्पवेदिते निय्यानिके उपसमसंवत्तनिके सम्मासम्बुद्धप्पवेदिते ।
१६९. “इध पन, चुन्द, सत्था च होति सम्मासम्बुद्धो, धम्मो च स्वाक्खातो सुप्पवेदितो निय्यानिको उपसमसंवत्तनिको सम्मासम्बुद्धप्पवेदितो, सावको च तस्मिं धम्मे धम्मानुधम्मप्पटिपन्नो विहरति सामीचिप्पटिपन्नो अनुधम्मचारी, समादाय तं धम्मं वत्तति । सो एवमस्स वचनीयो- “तस्स ते, आवुसो, लाभा, तस्स ते सुलद्धं, सत्था च ते
89
Jain Education International
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |