Page Text
________________
(३.५.१६२-१६२)
५. सम्पसादनीयसुत्तं
८५
अब्भनुजानाति, एकच्चं न अब्भनुजानाती'ति । एवं पुट्ठो अहं, भन्ते, एवं ब्याकरेय्यं"सम्मुखा मेतं, आवुसो, भगवतो सुतं, सम्मुखा पटिग्गहितं - 'अहेसुं अतीतमद्धानं अरहन्तो सम्मासम्बुद्धा मया समसमा सम्बोधिय'न्ति । सम्मुखा मेतं, आवुसो, भगवतो सुतं, सम्मुखा पटिग्गहितं- 'भविस्सन्ति अनागतमद्धानं अरहन्तो सम्मासम्बुद्धा मया समसमा सम्बोधियन्ति । सम्मुखा मेतं, आवुसो, भगवतो सुतं सम्मुखा पटिग्गहितं - अट्ठानमेतं अनवकासो यं एकिस्सा लोकधातुया द्वे अरहन्तो सम्मासम्बुद्धा अपुब्बं अचरिमं उप्पज्जेय्यु, नेतं ठानं विज्जती' ''ति ।
“कच्चाहं, भन्ते, एवं पुट्ठो एवं ब्याकरमानो वुत्तवादी चेव भगवतो होमि, न च भगवन्तं अभूतेन अब्भाचिक्खामि, धम्मस्स चानुधम्मं ब्याकरोमि, न च कोचि सहधम्मिको वादानुवादो गारव्हं ठानं आगच्छती"ति ? "तग्घ त्वं, सारिपुत्त, एवं पुट्ठो एवं ब्याकरमानो वुत्तवादी चेव मे होसि, न च मं अभूतेन अब्भाचिक्खसि, धम्मस्स चानुधम्म ब्याकरोसि, न च कोचि सहधम्मिको वादानुवादो गारव्हं ठानं आगच्छती''ति ।
अच्छरियअन्भुतं १६२. एवं वुत्ते, आयस्मा उदायी भगवन्तं एतदवोच – “अच्छरियं, भन्ते, अब्भुतं, भन्ते, तथागतस्स अप्पिच्छता सन्तुट्ठिता सल्लेखता। यत्र हि नाम तथागतो एवंमहिद्धिको एवंमहानुभावो, अथ च पन नेवत्तानं पातुकरिस्सति ! एकमेकञ्चेपि इतो, भन्ते, धम्मं अञतित्थिया परिब्बाजका अत्तनि समनुपस्सेय्यु, ते तावतकेनेव पटाकं परिहरेय्युं । अच्छरियं, भन्ते, अब्भुतं, भन्ते, तथागतस्स अप्पिच्छता सन्तुट्ठिता सल्लेखता । यत्र हि नाम तथागतो एवं महिद्धिको एवंमहानुभावो । अथ च पन नेवत्तानं पातुकरिस्सती''ति !
“पस्स खो त्वं, उदायि, तथागतस्स अप्पिच्छता सन्तुट्ठिता सल्लेखता। यत्र हि नाम तथागतो एवंमहिद्धिको एवंमहानुभावो। अथ च पन नेवत्तानं पातुकरिस्सति ! एकमेकञ्चेपि इतो, उदायि, धम्मं अञतित्थिया परिब्बाजका अत्तनि समनुपस्सेय्यु, ते तावतकेनेव पटाकं परिहरेय्युं । पस्स खो त्वं, उदायि, तथागतस्स अप्पिच्छता सन्तुट्टिता सल्लेखता। यत्र हि नाम तथागतो एवंमहिद्धिको एवंमहानुभावो । अथ च पन नेवत्तानं पातुकरिस्सती''ति !
85
Jain Education International
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |