Page Text
________________
(३.५.१४९-१४९)
५. सम्पसादनीयसुत्तं
७७
वितक्कविप्फारसई सुत्वा आदिसति। अपि च खो अवितक्कं अविचारं समाधि समापन्नस्स चेतसा चेतो परिच्च पजानाति - ‘यथा इमस्स भोतो मनोसङ्घारा पणिहिता । तथा इमस्स चित्तस्स अनन्तरा इमं नाम वितक्कं वितक्केस्सती'ति । सो बहुं चेपि आदिसति, तथैव तं होति, नो अञथा। अयं चतुत्था आदेसनविधा । एतदानुत्तरियं, भन्ते, आदेसनविधासु।
दस्सनसमापत्तिदेसना
१४९. “अपरं पन, भन्ते, एतदानुत्तरियं, यथा भगवा धम्मं देसेति दस्सनसमापत्तीसु । चतस्सो इमा, भन्ते, दस्सनसमापत्तियो । “इध, भन्ते, एकच्चो समणो वा ब्राह्मणो वा आतप्पमन्वाय पधानमन्वाय अनुयोगमन्वाय अप्पमादमन्वाय सम्मामनसिकारमन्वाय तथारूपं चेतोसमाधिं फुसति । यथासमाहिते चित्ते इममेव कायं उद्धं पादतला अधो केसमत्थका तचपरियन्तं पूरं नानप्पकारस्स असुचिनो पच्चवेक्खति- 'अत्थि इमस्मिं काये केसा लोमा नखा दन्ता तचो मंसं न्हारु अट्ठि अट्ठिमिजं वक्कं हदयं यकनं किलोमकं पिहकं पप्फासं अन्तं अन्तगुणं उदरियं करीसं पित्तं सेम्हं पुब्बो लोहितं सेदो मेदो अस्सु वसा खेळो सिङ्घानिका लसिका मुत्त'न्ति । अयं पठमा दस्सनसमापत्ति ।
"पुन चपरं, भन्ते, इधेकच्चो समणो वा ब्राह्मणो वा आतप्पमन्वाय...पे०... तथारूपं चेतोसमाधिं फुसति । यथासमाहिते चित्ते इममेव कायं उद्धं पादतला अधो केसमत्थका तचपरियन्तं पूरं नानप्पकारस्स असुचिनो पच्चवेक्खति - ‘अत्थि इमस्मिं काये केसा लोमा...पे०... लसिका मुत्त'न्ति । अतिक्कम्म च पुरिसस्स छविमंसलोहितं अट्टि पच्चवेक्खति । अयं दुतिया दस्सनसमापत्ति ।
“पुन चपरं, भन्ते, इधेकच्चो समणो वा ब्राह्मणो वा आतप्पमन्वाय...पे०... तथारूपं चेतोसमाधिं फुसति । यथासमाहिते चित्ते इममेव कायं उद्धं पादतला अधो केसमत्थका तचपरियन्तं पूरं नानप्पकारस्स असुचिनो पच्चवेक्खति - ‘अत्थि इमस्मिं काये केसा लोमा...पे०... लसिका मुत्त'न्ति । अतिक्कम्म च पुरिसस्स छविमंसलोहितं अढ़ि पच्चवेक्खति । पुरिसस्स च विज्ञाणसोतं पजानाति, उभयतो अब्बोच्छिन्नं इध लोके पतिट्टितञ्च परलोके पतिट्ठितञ्च । अयं ततिया दस्सनसमापत्ति ।
Jain Education International
For Private & Personal Use Only
www.jainelibrary.org
| SR No. | 009978 |
| Book Title | Dighnikayo Part 3 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 11 MB |