Page Text
________________
(२.१०.४२७-४२८)
१०. पायासिसुत्तं
२५१
पुरिससहगतो च होति वायामसहगतो च वायुसहगतो च, तदायं सङ्खो सदं करोति, यदा पनायं सङ्खो नेव पुरिससहगतो होति न वायामसहगतो न वायुसहगतो, नायं सङ्खो सदं करोती'ति । एवमेव खो, राजञ, यदायं कायो आयुसहगतो च होति उस्मासहगतो च विज्ञाणसहगतो च, तदा अभिक्कमतिपि पटिक्कमतिपि तिट्ठतिपि निसीदतिपि सेय्यम्पि कप्पेति, चक्खुनापि रूपं पस्सति, सोतेनपि सदं सुणाति, घानेनपि गन्धं घायति, जिव्हायपि रसं सायति, कायेनपि फोट्टब्बं फुसति, मनसापि धम्मं विजानाति । यदा पनायं कायो नेव आयसहगतो होति. न उस्मासहगतो. न विज्ञआणसहगतो. तदा नेव अभिक्कमति न पटिक्कमति न तिट्ठति न निसीदति न सेय्यं कप्पेति, चक्खुनापि रूपं न पस्सति, सोतेनपि सदं न सुणाति, घानेनपि गन्धं न घायति, जिव्हायपि रसं न सायति, कायेनपि फोटब् न फुसति, मनसापि धम्मं न विजानाति । इमिनापि खो ते, राजञ, परियायेन एवं होतु- ‘इतिपि अत्थि परो लोको, अत्थि सत्ता ओपपातिका, अस्थि सुकतदुक्कटानं कम्मानं फलं विपाको'ति ।
४२७. “किञ्चापि भवं कस्सपो एवमाह । अथ खो एवं मे एत्थ होति - ‘इतिपि नत्थि परो लोको, नत्थि सत्ता ओपपातिका, नत्थि सुकतदुक्कटानं कम्मानं फलं विपाको' 'ति । अत्थि पन, राजञ, परियायो...पे०... अत्थि, भो कस्सप, परियायो...पे०... यथा कथं विय राजञाति ? “इध मे, भो कस्सप, पुरिसा चोरं आगुचारिं गहेत्वा दस्सेन्ति'अयं ते, भन्ते, चोरो आगुचारी, इमस्स यं इच्छसि, तं दण्डं पणेही'ति । त्याहं एवं वदामि- 'तेन हि, भो, इमस्स पुरिसस्स छविं छिन्दथ, अप्पेव नामस्स जीवं पस्सेय्यामा'ति । ते तस्स पुरिसस्स छविं छिन्दन्ति । नेवस्स मयं जीवं पस्साम । त्याहं एवं वदामि - ‘तेन हि, भो, इमस्स पुरिसस्स चम्मं छिन्दथ, मंसं छिन्दथ, न्हाळं छिन्दथ, अष्टिं छिन्दथ, अट्ठिमिजं छिन्दथ, अप्पेव नामस्स जीवं पस्सेय्यामा'ति । ते तस्स पुरिसस्स अट्ठिमिजं छिन्दन्ति, नेवस्स मयं जीवं पस्सेय्याम | अयम्पि खो, भो कस्सप, परियायो, येन मे परियायेन एवं होति - ‘इतिपि नत्थि परो लोको, नत्थि सत्ता ओपपातिका, नस्थि सुकतदुक्कटानं कम्मानं फलं विपाको' ''ति ।
अग्गिकजटिलउपमा ४२८. “तेन हि, राजञ, उपमं ते करिस्सामि । उपमाय मिधेकच्चे विशू पुरिसा भासितस्स अत्थं आजानन्ति । 'भूतपुब्, राजञ, अञतरो अग्गिको जटिलो
251
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |