________________
१७८
दीघनिकायो-२
इच्छा विविच्छा परहेठना च,
लोभो च दोसो च मदो च मोहो । ।
एतेसु युत्ता अनिरामगन्धा,
आपायिका निवुतब्रह्मलोकाति । ।
'यथा खो अहं भोतो आमगन्धे भासमानस्स आजानामि । ते न सुनिम्मदया अगारं अज्झावसता । पब्बजिस्सामहं भो, अगारस्मा अनगारियन्ति । यस्सदानि भवं गोविन्दो कालं मञ्ञती 'ति ।
रेणुराजआमन्तना
३२१. 'अथ खो, भो, महागोविन्दो ब्राह्मणो येन रेणु राजा तेनुपसङ्कमि; उपसङ्कमित्वा रेणुं राजानं एतदवोच - अञ्ञ दानि भवं पुरोहितं परियेसतु, यो भो रज्जं अनुसासिस्सति । इच्छामहं भो, अगारस्मा अनगारियं पब्बजितुं । यथा खो पन मे सुतं ब्रह्म॒नो आमगन्धे भासमानस्स, ते न सुनिम्मदया अगारं अज्झावसता । पब्बजिस्सामहं, भो, अगारस्मा अनगारिय 'न्ति ।
आमन्तयामि राजानं, रेणुं भूमिपतिं अहं । त्वं पजानस्सु रज्जेन, नाहं पोरोहिच्चे रमे ।।
सचे ते ऊनं कामेहि, अहं परिपूरयामि ते । यो तं हिंसति वारेमि, भूमिसेनापति अहं । तुवं पिता अहं पुत्तो, मा नो गोविन्द पाजहि । ।
Jain Education International
नमत्थि ऊनं कामेहि, हिंसिता न विज्जति । अमनुस्सवचो सुत्वा तस्माहं न गहे रमे ।।
अमनुस्सो कथंवण्णो, किं ते अत्थं अभासथ । यञ्च सुत्वा जहासि नो, गेहे अम्हे च केवली ।।
(२.६.३२१-३२१)
178
For Private & Personal Use Only
www.jainelibrary.org
