________________
१६८
दीघनिकायो-२
अट्ठ यथाभुच्चवण्णा
३०२. “अथ, भन्ते, ब्रह्मा सनङ्कुमारो सक्कं देवानमिन्दं एतदवोच - 'साधु, देवानमिन्द, मयम्पि तस्स भगवतो अट्ठ यथाभुच्चे वण्णे सुणेय्यामा 'ति । एवं, महाब्रह्मे 'ति खो, भन्ते, सक्को देवानमिन्दो ब्रह्मनो सनङ्कुमारस्स भगवतो अट्ठ यथाभुच्चे वणे परुिदाहासि ।
'तं किं मञ्ञति, भवं महाब्रह्मा, यावञ्च सो भगवा बहुजनहिताय पटिपन्नो बहुजनसुखाय लोकानुकम्पाय अत्थाय हिताय सुखाय देवमनुस्सानं, एवं बहुजनहिताय पटिपन्नं बहुजनसुखाय लोकानुकम्पाय अत्थाय हिताय सुखाय देवमनुस्सानं । इमिनापङ्गेन समन्नागतं सत्थारं नेव अतीतंसे समनुपस्साम, न पनेतरहि, अञ्ञत्र तेन भगवता ।
(२.६.३०२-३०२)
'स्वाक्खातो खो पन तेन भगवता धम्मो सन्दिट्ठिको अकालिको एहिपस्सिको ओपनेय्यिको पच्चत्तं वेदितब्बो विनूहि । एवं ओपनेय्यिकस्स धम्मस्स देसेतारं इमिनापङ्गेन समन्नागतं सत्थारं नेव अतीतंसे समनुपस्साम, न पनेतरहि अञ्ञत्र तेन
भगवता ।
'इदं कुसल 'न्ति खो पन तेन भगवता सुपञ्ञत्तं, 'इदं अकुसल 'न्ति सुपञ्ञत्तं, 'इदं सावज्जं इदं अनवज्जं इदं सेवितब्बं इदं न सेवितब्बं, इदं हीनं इदं पणीतं, इदं कण्हसुक्कसप्पटिभाग'न्ति सुपञ्ञत्तं । एवं कुसलाकुसलसावज्जानवज्जसेवितब्बासेवितब्बहीनपणीत कण्हसुक्कसप्पटिभागानं धम्मानं पञ्ञापेतारं । इमिनापङ्गेन समन्नागतं सत्थारं नेव अतीतंसे समनुपस्साम, न पनेतरहि अञ्ञत्र तेन भगवता ।
Jain Education International
'सुपञ्ञत्ता खो पन तेन भगवता सावकानं निब्बानगामिनी पटिपदा संसन्दति निब्बानञ्च पटिपदा च । सेय्यथापि नाम गङ्गोदकं यमुनोदकेन संसन्दति समेति, एवमेव सुपञ्ञत्ता तेन भगवता सावकानं निब्बानगामिनी पटिपदा संसन्दति निब्बानञ्च पटिपदा च। एवं निब्बानगामिनिया पटिपदाय पञ्ञापेतारं इमिनापङ्गेन समन्नागतं सत्थारं नेव अतीतंसे समनुपस्साम, न पनेतरहि अञ्ञत्र तेन भगवता ।
'अभिनिप्फन्नो खो पन तस्स भगवतो लाभो अभिनिप्फन्नो सिलोको, याव मञ्जे
168
For Private & Personal Use Only
www.jainelibrary.org
