Page Text
________________
११२
दीघनिकायो-२
(२.३.२१२-२१२)
कुलपरिवत्तसो ठपेत्वा भगवन्तं वन्दापेय्यं - 'इत्थन्नामो, भन्ते, मल्लो सपुत्तो सभरियो सपरिसो सामच्चो भगवतो पादे सिरसा वन्दती'ति । अथ खो आयस्मा आनन्दो कोसिनारके मल्ले कुलपरिवत्तसो कुलपरिवत्तसो ठपेत्वा भगवन्तं वन्दापेसि - ‘इत्थन्नामो, भन्ते, मल्लो सपुत्तो सभरियो सपरिसो सामच्चो भगवतो पादे सिरसा वन्दती' ''ति । अथ खो आयस्मा आनन्दो एतेन उपायेन पठमेनेव यामेन कोसिनारके मल्ले भगवन्तं वन्दापेसि ।
सुभद्दपरिब्बाजकवत्थु २१२. तेन खो पन समयेन सुभद्दो नाम परिब्बाजको कुसिनारायं पटिवसति । अस्सोसि खो सुभद्दो परिब्बाजको- “अज्ज किर रत्तिया पच्छिमे यामे समणस्स गोतमस्स परिनिब्बानं भविस्सती''ति । अथ खो सुभद्दस्स परिब्बाजकस्स एतदहोसि - "सुतं खो पन मेतं परिब्बाजकानं वुड्डानं महल्लकानं आचरियपाचरियानं भासमानानं'कदाचि करहचि तथागता लोके उप्पज्जन्ति अरहन्तो सम्मासम्बुद्धा'ति । अज्जेव रत्तिया पच्छिमे यामे समणस्स गोतमस्स परिनिब्बानं भविस्सति । अत्थि च मे अयं कङ्खाधम्मो उप्पन्नो, एवं पसन्नो अहं समणे गोतमे । ‘पहोति मे समणो गोतमो तथा धम्मं देसेतुं, यथाहं इमं कङ्खाधम्मं पजहेय्य' "न्ति । अथ खो सुभद्दो परिब्बाजको येन उपवत्तनं मल्लानं सालवनं, येनायस्मा आनन्दो तेनुपसङ्कमि; उपसङ्कमित्वा आयस्मन्तं आनन्दं एतदवोच – “सुतं मेतं भो आनन्द, परिब्बाजकानं वुड्डानं महल्लकानं आचरियपाचरियानं भासमानानं - 'कदाचि करहचि तथागता लोके उप्पज्जन्ति अरहन्तो सम्मासम्बुद्धा'ति । अज्जेव रत्तिया पच्छिमे यामे समणस्स गोतमस्स परिनिब्बानं भविस्सति । अस्थि च मे अयं कवाधम्मो उप्पन्नो- एवं पसन्नो अहं समणे गोतमे ‘पहोति मे समणो गोतमो तथा धम्मं देसेतुं, यथाहं इमं कङ्खाधम्मं पजहेय्य'न्ति । साधाहं, भो आनन्द, लभेय्यं समणं गोतमं दस्सनाया''ति । एवं वुत्ते आयस्मा आनन्दो सुभदं परिब्बाजकं एतदवोच"अलं, आवुसो सुभद्द, मा तथागतं विहेठेसि, किलन्तो भगवा''ति । दुतियम्पि खो सुभद्दो परिब्बाजको...पे०... ततियम्पि खो सुभद्दो परिब्बाजको आयस्मन्तं आनन्दं एतदवोच – "सुतं मेतं, भो आनन्द, परिब्बाजकानं वुड्डानं महल्लकानं आचरियपाचरियानं भासमानानं- 'कदाचि करहचि तथागता लोके उप्पज्जन्ति अरहन्तो सम्मासम्बुद्धा'ति । अज्जेव रत्तिया पच्छिमे यामे समणस्स गोतमस्स परिनिब्बानं भविस्सति । अत्थि च मे अयं कङ्खाधम्मो उप्पन्नो - एवं पसन्नो अहं समणे गोतमे, ‘पहोति मे समणो गोतमो
112
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |