Dighnikayo Part 2

SR No.: 009977
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 358
Language: Sanskrit
Classification: Interfaith & Buddhism
File Size: 13 MB

Page 125

७८
दीघनिकायो-२
अस्सासमत्ता - ' न ताव भगवा परिनिब्बायिस्सति, न याव भगवा भिक्खुस आरब्भ किञ्चिदेव उदाहरती' 'ति ।
१६५. “किं पनानन्द, भिक्खुसङ्घो मयि पच्चासीसति ? देसितो, आनन्द, मया धम्मो अनन्तरं अबाहिरं करित्वा । नत्थानन्द, तथागतस्स धम्मेसु आचरियमुट्ठि । यस्स नून, आनन्द, एवमस्स 'अहं भिक्खुस परिहरिस्सामी 'ति वा 'ममुद्देसिको भिक्खुसङ्घो 'ति वा, सो नून, आनन्द, भिक्खुसङ्घ आरम्भ किञ्चिदेव उदाहरेय्य । तथागतस्स खो, आनन्द, न एवं होति - ' अहं भिक्खुसङ्घं परिहरिस्सामी 'ति वा 'ममुद्देसिको भिक्खुङ्घ' वा । सकिं, आनन्द, तथागतो भिक्खुसङ्कं आरम्भ किञ्चिदेव उदाहरिस्सति । अहं खो पनानन्द, एतरहि जिण्णो वुद्धो महल्लको अद्धगतो वयोअनुप्पत्तो । आसीतिको मे वयो वत्तति । सेय्यथापि, आनन्द, जज्जरसकटं वेठमिस्सकेन यापेति, एवमेव खो, आनन्द, वेठमिस्सकेन मञ्जे तथागतस्स कायो यापेति । यस्मिं, आनन्द, समये तथागतो सब्बनिमित्तानं अमनसिकारा एकच्चानं वेदनानं निरोधा अनिमित्तं चेतोसमाधिं उपसम्पज्ज विहरति, फासुतरो, आनन्द, तस्मिं समये तथागतस्स कायो होति । तस्मातिहानन्द, अत्तदीपा विहरथ अत्तसरणा अनञ्ञसरणा, धम्मदीपा धम्मसरणा अनञ्ञसरणा । कथञ्चानन्द, भिक्खु अत्तदीपो विहरति अत्तसरणो अनञ्ञसरणो, धम्मदीपो धम्मसरणो अनञ्ञसरणो ? इधानन्द, भिक्खु काये कायानुपस्सी विहरति अतापी सम्पजानो सतिमा, विनेय्य लोके अभिज्झादोमनस्सं । वेदनासु वेदनानुपस्सी विहरति आतापी सम्पजानो सतिमा, विनेय्य लोके अभिज्झादोमनस्सं । चित्ते चित्तानुपस्सी विहरति आतापी सम्पजानो सतिमा, विनेय्य लोके अभिज्झादोमनस्सं । धम्मेसु धम्मानुपस्सी विहरति आतापी सम्पजानो सतिमा, विनेय्य लोके अभिज्झादोमनस्सं । एवं खो, आनन्द, भिक्खु अत्तदीपो विहरति अत्तसरणो अनञ्ञसरणो, धम्मदीपो धम्मसरणो अनञ्ञसरणो । ये हि केचि, आनन्द, एतरहि वा मम वा अच्चयेन अत्तदीपा विहरिस्सन्ति अत्तसरणा अनञ्ञसरणा, धम्मदीपा धम्मसरणा अनञ्ञसरणा, तमतग्गे मे ते, आनन्द, भिक्खू भविस्सन्ति ये केचि सिक्खाकामा "ति ।
दुतियभाणवारो ।
(२.३.१६५-१६५)
78