________________
(१.११.४९७-४९९)
११. केवट्टसुत्तं
२०३
चत्तारो महाभूता अपरिसेसा निरुज्झन्ति, सेय्यथिदं - पथवीधातु आपोधातु तेजोधातु वायोधातू"ति?
तीरदस्सिसकुणुपमा ४९७. “एवं वुत्ते, अहं, केवट्ट, तं भिक्खुं एतदवोचं - भूतपुर, भिक्खु, सामुद्दिका वाणिजा तीरदस्सिं सकुणं गहेत्वा नावाय समुदं अज्झोगाहन्ति । ते अतीरदक्खिनिया नावाय तीरदस्सिं सकुणं मुञ्चन्ति । सो गच्छतेव पुरस्थिमं दिसं, गच्छति दक्खिणं दिसं, गच्छति पच्छिमं दिसं, गच्छति उत्तरं दिसं, गच्छति उद्धं दिसं, गच्छति अनुदिसं। सचे सो समन्ता तीरं पस्सति, तथागतकोव होति । सचे पन सो समन्ता तीरं न पस्सति, तमेव नावं पच्चागच्छति । एवमेव खो त्वं, भिक्खु, यतो याव ब्रह्मलोका परियेसमानो इमस्स पञ्हस्स वेय्याकरणं नाज्झगा, अथ मम व सन्तिके पच्चागतो । न खो एसो, भिक्खु, पञ्हो एवं पुच्छितब्बो- “कत्थ नु खो, भन्ते, इमे चत्तारो महाभूता अपरिसेसा निरुज्झन्ति, सेय्यथिदं - पथवीधातु आपोधातु तेजोधातु वायोधातू"ति ?
४९८. “एवञ्च खो एसो, भिक्खु, पञ्हो पुच्छितब्बो -
“कत्थ आपो च पथवी, तेजो वायो न गाधति । कत्थ दीघञ्च रस्सञ्च, अणुं थूलं सुभासुभं । कत्थ नामञ्च रूपञ्च, असेसं उपरुज्झती'ति ।।
४९९. तत्र वेय्याकरणं भवति -
“विज्ञाणं अनिदस्सनं, अनन्तं सब्बतोपभं । एत्थ आपो च पथवी, तेजो वायो न गाधति ।।
एत्थ दीघञ्च रस्सञ्च, अणुं थूलं सुभासुभं । एत्थ नामञ्च रूपञ्च, असेसं उपरुज्झति । विज्ञाणस्स निरोधेन, एत्थेतं उपरुज्झती"ति ।।
203
Jain Education International
For Private & Personal Use Only
www.jainelibrary.org
