________________
११. केवट्टसुत्तं
केवट्टगहपतिपुत्तवत्थु
४८१. एवं मे सुतं एकं समयं भगवा नालन्दायं विहरति पावारिकम्बवने । अथ खो केवट्टो गहपतिपुत्तो येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं निसीदि । एकमन्तं निसिन्नो खो केवट्टो गहपतिपुत्तो भगवन्तं एतदवोच - "अयं, भन्ते, नालन्दा इद्धा चेव फीता च बहुजना आकिण्णमनुस्सा भगवति अभिप्पसन्ना। साधु, भन्ते, भगवा एकं भिक्खुं समादिसतु, यो उत्तरिमनुस्सधम्मा, इद्धिपाटिहारियं करिस्सति; एवायं नाळन्दा भय्योसो मत्ताय भगवति अभिप्पसीदिस्सती”ति । एवं वुत्ते, भगवा केवट्टं गहपतिपुत्तं एतदवोच - " न खो अहं, केवट्ट, भिक्खूनं एवं धम्मं देसेमि- एथ तुम्हे, भिक्खवे, गिहीनं ओदातवसनानं उत्तरिमनुस्सधम्मा इद्धिपाटिहारियं करोथा "ति ।
४८२. दुतियम्पि खो केवट्टो गहपतिपुत्तो भगवन्तं एतदवोच "नाहं, भन्ते, भगवन्तं धंसेमि; अपि च, एवं वदामि - अयं, भन्ते, नालन्दा इद्धा चेव फीता च बहुजना आकिण्णमनुस्सा भगवति अभिप्पसन्ना । साधु, भन्ते, भगवा एकं भिक्खुं समादिसतु, यो उत्तरिमनुस्सधम्मा इद्धिपाटिहारियं करिस्सति; एवायं नालन्दा भिय्योसो मत्ताय भगवति अभिप्पसीदिस्सती 'ति । दुतियम्पि खो भगवा केवट्टं गहपतिपुत्तं एतदवोच – “न खो अहं, केवट्ट, भिक्खूनं एवं धम्मं देसेमि - एथ तुम्हे, भिक्खवे, गिहीनं ओदातवसनानं उत्तरिमनुस्सधम्मा इद्धिपाटिहारियं करोथा "ति ।
ततियम्पि खो केवट्टो गहपतिपुत्तो भगवन्तं एतदवोच - " नाहं, भन्ते, भगवन्तं धंसेमि; अपि च, एवं वदामि - 'अयं, भन्ते, नालन्दा इद्धा चेव फीता च बहुजना
Jain Education International
195
For Private & Personal Use Only
www.jainelibrary.org
