________________
१०. सुभसुत्तं
सुभमाणववत्थु
४४४. एवं मे सुतं - एकं समयं आयस्मा आनन्दो सावत्थियं विहरति जेतवने अनाथपिण्डिकस्स आरामे अचिरपरिनिब्बुते भगवति । तेन खो पन समयेन सुभो माणवो तोदेय्यपुत्तो सावत्थियं पटिवसति केनचिदेव करणीयेन ।
४४५. अथ खो सुभो माणवो तोदेय्यपुत्तो अञ्जतरं माणवकं आमन्तेसि - “एहि त्वं, माणवक, येन समणो आनन्दो तेनुपसङ्कम; उपसमित्वा मम वचनेन समणं आनन्दं अप्पाबाधं अप्पातकं लहुहानं बलं फासुविहारं पुच्छ- 'सुभो माणवो तोदेय्यपुत्तो भवन्तं आनन्दं अप्पाबाधं अप्पातकं लहुट्टानं बलं फासुविहारं पुच्छती'ति । एवञ्च वदेहि - 'साधु किर भवं आनन्दो येन सुभस्स माणवस्स तोदेय्यपुत्तस्स निवेसनं तेनुपसङ्कमतु अनुकम्पं उपादाया'ति ।
४४६. “एवं, भो''ति खो सो माणवको सुभस्स माणवस्स तोदेय्यपुत्तस्स पटिस्सुत्वा येनायस्मा आनन्दो तेनुपसङ्कमि; उपसङ्कमित्वा आयस्मता आनन्देन सद्धिं सम्मोदि । सम्मोदनीयं कथं सारणीयं वीतिसारेत्वा एकमन्तं निसीदि । एकमन्तं निसिन्नो खो सो माणवको आयस्मन्तं आनन्दं एतदवोच- "सुभो माणवो तोदेय्यपुत्तो भवन्तं आनन्दं अप्पाबाधं अप्पातकं लहुट्ठानं बलं फासुविहारं पुच्छति। एवञ्च वदेति - साधु किर भवं आनन्दो येन सुभस्स माणवस्स तोदेय्यपुत्तस्स निवेसनं तेनुपसङ्कमतु अनुकम्पं उपादाया''ति ।
४४७. एवं वुत्ते, आयस्मा आनन्दो तं माणवकं एतदवोच - “अकालो खो,
180
Jain Education International
For Private & Personal Use Only
www.jainelibrary.org
