________________
१२२
दीघनिकायो-१
अट्ठ परिक्खारा
३४०. "राजा महाविजितो अट्ठहङ्गेहि समन्नागतो, उभतो सुजातो मातितो च पितितो च; संसुद्धगहणिको याव सत्तमा पितामहयुगा अक्खित्तो अनुपक्कुट्ठो जातिवादेन; अभिरूपो दस्सनीयो पासादिको परमाय वण्णपोक्खरताय समन्नागतो ब्रह्मवण्णी ब्रह्मवच्छसी अखुद्दावकासो दस्सनाय; अड्डो महद्धनो महाभोगो पहूतजातरूपरजतो पहूतवित्तूपकरणो पहूतधनधज्ञ परिपुरणकोसकोट्ठागारो; बलवा चतुरङ्गिनिया सेनाय समन्नागतो अस्सवाय ओवादपटिकराय सहति मञ्जे पच्चत्थिके यससा; सद्धो दायको दानपति अनावटद्वारो समणब्राह्मणकपणद्धिकवणिब्बकयाचकानं ओपानभूतो पुञ्ञानि करोति; बहुस्सुतो तस्स तस्स सुतजातस्स, तस्स तस्सेव खो पन भासितस्स अत्यं जानाति 'अयं इमस्स भासितस्स अत्यो अयं इमस्स भासितस्स अत्थो'ति; पण्डितो, वियत्तो, मेधावी, पटिबलो, अतीतानागतपच्चुप्पन्ने अत्थे चिन्तेतुं । राजा महाविजितो इमे अट्ठहङ्गेहि समन्नागतो । इति इमानिपि अट्ठङ्गानि तस्सेव यञ्ञस्स परिक्खारा भवन्ति ।
चतुपरिक्खारं
३४१. “ पुरोहितो ब्राह्मणो चतुहङ्गेहि समन्नागतो। उभतो सुजातो मातितो च पितितो च संसुद्धगहणिको याव सत्तमा पितामहयुगा अक्खित्तो अनुपक्कुट्ठो जातिवादेन; अज्झायको मन्तधरो तिण्णं वेदानं पारगू सनिघण्डुकेटुभानं साक्खरप्पभेदानं इतिहासपञ्चमानं पदको वेय्याकरणो लोकायतमहापुरिसलक्खणेसु अनवयो; सीलवा वुद्धसीली वुद्धसीलेन समन्नागतो; पण्डितो वियत्तो मेधावी पठमो वा दुतियो वा सुजं पग्गण्हन्तानं । पुरोहितो ब्राह्मणो इमेहि चतूहङ्गेहि समन्नागतो । इति इमानि चत्तारि अङ्गानि तस्सेव यञ्ञस्स परिक्खारा भवन्ति ।
Jain Education International
तिस्सो विधा
३४२. “अथ खो, ब्राह्मण, पुरोहितो ब्राह्मणो रज्ञो महाविजितस्स पुब्बेव यञ्ञा तिस्सो विधा देसेसि। सिया खो पन भोतो रञ्ञो महायज्ञ यिट्टुकामस्स कोचिदेव विप्पटिसारो - 'महा वत मे भोगक्खन्धो विगच्छिस्सती 'ति, सो भोता रञ्ञा विप्पटिसारो न करणीयो । सिया खो पन भोतो रञ्ञो महायज्ञं यजमानस्स कोचिदेव विप्पटिसारो
(१.५.३४०-३४२)
122
For Private & Personal Use Only
www.jainelibrary.org
