________________
५. कूटदन्तत्तं
नो ते होन्ति अतिथी खो पनम्हेहि सक्कातब्बा गरुकातब्बा मानेतब्बा पूजेतब्बा अपचेतब्बा । यम्पि, भो, समणो गोतमो खाणुमतं अनुप्पत्तो खाणुमते विहरति अम्बलट्ठिकार्य, अतिथिम्हाकं समणो गोतमो । अतिथि खो पनम्हेहि सक्कातब्बो गरुकातब्बो मानेतब्बो पूजेतब्बो अपचेतब्बो । इमिनापङ्गेन नारहति सो भवं गोतमो अम्हाकं दस्सनाय उपसङ्क्रमितुं । अथ खो मयमेव अरहाम तं भवन्तं गोतमं दस्सनाय उपसङ्कमितुं । एत्तके खो अहं, भो, तस्स भोतो गोतमस्स वण्णे परियाणामि, नो खो सो भवं गोतमो एत्तकवण्णो, अपरिमाणवण्णो हि सो भवं गोतमोति ।
(१.५.३३३-३३६)
३३३. एवं वुत्ते, ते ब्राह्मणा कूटदन्तं ब्राह्मणं एतदवोचुं - “यथा खो भवं कूटदन्तो समणस्स गोतमस्स वण्णे भासति इतो चेपि सो भवं गोतमो योजनसते विहरति, अलमेव सद्धेन कुलपुत्तेन दस्सनाय उपसङ्कमितुं अपि पुटोसेना "ति । "तेन हि भो सब्बेव मयं समणं गोतमं दस्सनाय उपसङ्कमिस्सामा ''ति ।
महाविजितराजयञ्ञकथा
३३४. अथ खो कूटदन्तो ब्राह्मणो महता ब्राह्मणगणेन सद्धिं येन अम्बलट्ठिका येन भगवा तेनुपसङ्कमि; उपसङ्कमित्वा भगवता सद्धिं सम्मोदि । सम्मोदनीयं कथं सारणीयं वीतिसारेत्वा एकमन्तं निसीदि । खाणुमतकापि खो ब्राह्मणगहपतिका अप्पेकच्चे भगवन्तं अभिवादेत्वा एकमन्तं निसीदिंसु; अप्पेकच्चे भगवता सद्धिं सम्मोदिंसु, सम्मोदनीयं कथं सारणीयं वीतिसारेत्वा एकमन्तं निसीदिंसु; अप्पेकच्चे येन भगवा तेनञ्जलिं पणामेत्वा एकमन्तं निसीदिंसु; अप्पेकच्चे नामगोत्तं सावेत्वा एकमन्तं निसीदिंसु; अप्पेकच्चे तुम्हीभूता एकमन्तं निसीदिंसु ।
११९
३३५. एकमन्तं निसिन्नो खो कूटदन्तो ब्राह्मणो भगवन्तं एतदवोच – “सुतं मेतं, भो गोतम - 'समणो गोतमो तिविधं यञ्ञसम्पदं सोळसपरिक्खारं जानातीति । न खो पनाहं जानामि तिविधं यञ्ञसम्पदं सोळसपरिक्खारं । इच्छामि चाहं महायज्ञ यजितुं । साधु मे भवं गोतमो तिविधं यञ्ञसम्पदं सोळसपरिक्खारं देसेतू" ति ।
"
३३६. “तेन हि ब्राह्मण, सुणाहि साधुकं मनसिकरोहि भासिस्सामी 'ति । "एवं, भो' ति खो कूटदन्तो ब्राह्मणो भगवतो पच्चस्सोसि । भगवा एतदवोच - "भूतपुब्बं,
Jain Education International
119
For Private & Personal Use Only
www.jainelibrary.org
