Page Text
________________
४. सोणदण्डसुत्तं
पन मुसावादं आपज्जेय्या "ति ? "सक्का, भो गोतम । इमेसञ्हि, भो गोतम, तिण्णं अङ्गानं जातिं ठपयाम । किञ्हि जाति करिस्सति ? यतो खो, भो गोतम, ब्राह्मणो सीलवा होति वुद्धसीली वुद्धसीलेन समन्नागतो; पण्डितो च होति मेधावी पठमो वा दुतियो वा सुजं पग्गण्हन्तानं । इमेहि खो, भो गोतम, द्वीहङ्गेहि समन्नागतं ब्राह्मणा ब्राह्मणं पञ्ञपेन्ति; ‘ब्राह्मणोस्मी 'ति च वदमानो सम्मा वदेय्य, न च पन मुसावादं आपज्जेय्या'ति ।
(१.४.३१३-३१६)
३१३. एवं वुत्ते, ते ब्राह्मणा सोणदण्डं ब्राह्मणं एतदवोचुं - " मा भवं सोणदण्डो एवं अवच, मा भवं सोणदण्डो एवं अवच । अपवदतेव भवं सोणदण्डो वण्णं, अपवदति मन्ते, अपवदति जातिं एकंसेन । भवं सोणदण्डो समणस्सेव गोतमस्स वादं अनुपक्खन्दती 'ति ।
३१४. अथ खो भगवा ते ब्राह्मणे एतदवोच - “सचे खो तुम्हाकं ब्राह्मणानं एवं होति – ‘अप्पस्सुतो च सोणदण्डो ब्राह्मणो, अकल्याणवाक्करणो च सोणदण्डो ब्राह्मणो, दुप्पञ्ञ च सोणदण्डो ब्राह्मणो, न च पहोति सोणदण्डो ब्राह्मणो समणेन गोतमेन सद्धिं अस्मिं वचने पटिमन्तेतु'न्ति । तिट्ठतु सोणदण्डो ब्राह्मणो, तुम्हे मया सद्धिं मन्तव्हो अस्मिं वचने । सचे पन तुम्हाकं ब्राह्मणानं एवं होति - 'बहुस्सुतो च सोणदण्डो ब्राह्मणो, कल्याणवाक्करणो च सोणदण्डो ब्राह्मणो, पण्डितो च सोणदण्डो ब्राह्मणो, पहोति च सोणदण्डो ब्राह्मणो समणेन गोतमेन सद्धिं अस्मिं वचने पटिमन्तेतु 'न्ति । तिट्ठथ तुम्हे, सोणदण्डो ब्राह्मणो मया सद्धिं पटिमन्तेतू'ति ।
१०७
३१५. एवं वुत्ते, सोणदण्डो ब्राह्मणो भगवन्तं एतदवोच - "तिट्ठतु भवं गोतमो, तुम्ही भवं गोतमो होतु, अहमेव तेसं सहधम्मेन पटिवचनं करिस्सामी 'ति । अथ खो सोणदण्डो ब्राह्मणो ते ब्राह्मणे एतदवोच - " मा भवन्तो एवं अवचुत्थ, मा भवन्तो एवं अवचुत्थ 'अपवदतेव भवं सोणदण्डो वण्णं, अपवदति मन्ते, अपवदति जाति, एकंसेन । भवं सोणदण्डो समणस्सेव गोतमस्स वादं अनुपक्खन्दती 'ति । नाहं, भो, अपवदामि वण्णं वा मन्ते वा जातिं वा "ति ।
३१६. तेन खो पन समयेन सोणदण्डस्स ब्राह्मणस्स भागिनेय्यो अङ्गको नाम माणवको तस्सं परिसायं निसिन्नो होति । अथ खो सोणदण्डो ब्राह्मणो ते ब्राह्मणे
Jain Education International
107
For Private & Personal Use Only
www.jainelibrary.org
| SR No. | 009976 |
| Book Title | Dighnikayo Part 1 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith, Buddhism, R000, & R005 |
| File Size | 13 MB |