________________
८६
दीघनिकायो-१
(१.३.२७८-२७९)
"खत्तियो सेट्ठो जनेतस्मिं,
ये गोत्तपटिसारिनो। विज्जाचरणसम्पन्नो,
सो सेट्ठो देवमानुसे''ति ।।
भाणवारो पठमो।
विज्जाचरणकथा
२७८. “कतमं पन तं, भो गोतम, चरणं, कतमा च पन सा विज्जा''ति ? "न खो, अम्बठ्ठ, अनुत्तराय विज्जाचरणसम्पदाय जातिवादो वा वुच्चति, गोत्तवादो वा वुच्चति, मानवादो वा वुच्चति- 'अरहसि वा मं त्वं, न वा मं त्वं अरहसी'ति । यस्थ खो, अम्बठ्ठ, आवाहो वा होति, विवाहो वा होति, आवाहविवाहो वा होति, एत्थेतं वुच्चति जातिवादो वा इतिपि गोत्तवादो वा इतिपि, मानवादो वा इतिपि- 'अरहसि वा मं त्वं, न वा मं त्वं अरहसी'ति । ये हि केचि अम्बठ्ठ जातिवादविनिबद्धा वा गोत्तवादविनिबद्धा वा मानवादविनिबद्धा वा आवाहविवाहविनिबद्धा वा, आरका ते अनुत्तराय विज्जाचरणसम्पदाय। पहाय खो, अम्बट्ट, जातिवादविनिबद्धञ्च गोत्तवादविनिबद्धञ्च मानवादविनिबद्धञ्च आवाहविवाहविनिबद्धञ्च अनुत्तराय विज्जाचरणसम्पदाय सच्छिकिरिया होती"ति।
२७९. “कतमं पन तं, भो गोतम, चरणं, कतमा च सा विज्जा''ति ? “इध, अम्बट्ट, तथागतो लोके उप्पज्जति अरहं सम्मासम्बुद्धो विज्जाचरणसम्पन्नो सुगतो लोकविदू अनुत्तरो पुरिसदम्मसारथि सत्था देवमनुस्सानं बुद्धो भगवा । सो इमं लोकं सदेवकं समारकं सब्रह्मकं सस्समणब्राह्मणिं पजं सदेवमनुस्सं सयं अभिञा सच्छिकत्वा पवेदेति । सो धम्मं देसेति आदिकल्याणं मज्झेकल्याणं परियोसानकल्याणं सात्थं सब्यञ्जनं केवलपरिपुण्णं परिसुद्धं ब्रह्मचरियं पकासेति । तं धम्मं सुणाति गहपति वा गहपतिपुत्तो वा अञ्जतरस्मिं वा कुले पच्चाजातो । सो तं धम्म सुत्वा तथागते सद्धं पटिलभति । सो
86
Jain Education International
For Private & Personal Use Only
www.jainelibrary.org
