Page Text
________________
(१.३.२६८-२६९)
३. अम्बट्ठसुत्तं
महासाकसण्डो, तत्थेतरहि कुमारा सम्मन्ति । ते जातिसम्भेदभया सकाहि भगिनीहि सद्धिं संवासं कप्पेन्ती'ति । अथ खो, अम्बठ्ठ, राजा ओक्काको उदानं उदानेसि - ‘सक्या वत, भो, कुमारा, परमसक्या वत, भो, कुमारा'ति । तदग्गे खो पन अम्बठ्ठ सक्या पञ्जायन्ति; सो च नेसं पुब्बपुरिसो।।
__ "रो खो पन, अम्बट्ठ, ओक्काकस्स दिसा नाम दासी अहोसि । सा कण्हं नाम जनेसि । जातो कण्हो पब्याहासि- 'धोवथ मं, अम्म, नहापेथ मं अम्म, इमस्मा मं असुचिस्मा परिमोचेथ, अत्थाय वो भविस्सामी'ति । यथा खो पन अम्बठ्ठ एतरहि मनुस्सा पिसाचे दिस्वा 'पिसाचा'ति सञ्जानन्ति; एवमेव खो अम्बठ्ठ तेन खो पन समयेन मनुस्सा पिसाचे ‘कण्हा'ति सञ्जानन्ति । ते एवमाहंसु - ‘अयं जातो पब्याहासि, कण्हो जातो, पिसाचो जातो'ति । तदग्गे खो पन, अम्बठ्ठ कण्हायना पञ्जायन्ति, सो च कण्हायनानं पुब्बपुरिसो। इति खो ते अम्बठ्ठ पोराणं मातापेत्तिकं नामगोत्तं अनुस्सरतो अय्यपुत्ता सक्या भवन्ति, दासिपुत्तो त्वमसि सक्यान''न्ति ।
२६८. एवं वुत्ते, ते माणवका भगवन्तं एतदवोचुं- "मा भवं गोतमो अम्बटुं अतिबाळ्हं दासिपुत्तवादेन निम्मादेसि । सुजातो च, भो गोतम अम्बठ्ठो माणवो, कुलपुत्तो च अम्बठ्ठो माणवो, बहुस्सुतो च अम्बठ्ठो माणवो, कल्याणवाक्करणो च अम्बठ्ठो माणवो, पण्डितो च अम्बठ्ठो माणवो, पहोति च अम्बठ्ठो माणवो भोता गोतमेन सद्धिं अस्मिं वचने पटिमन्तेतु''न्ति ।
२६९. अथ खो भगवा ते माणवके एतदवोच – “सचे खो तुम्हाकं माणवकानं एवं होति - 'दुज्जातो च अम्बट्ठो माणवो, अकुलपुत्तो च अम्बठ्ठो माणवो, अप्पस्सुतो च अम्बट्ठो माणवो, अकल्याणवाक्करणो च अम्बट्ठो माणवो, दुप्पो च अम्बट्ठो माणवो, न च पहोति अम्बट्ठो माणवो समणेन गोतमेन सद्धिं अस्मिं वचने पटिमन्तेतु'न्ति, तिठ्ठतु अम्बठ्ठो माणवो, तुम्हे मया सद्धिं मन्तव्हो अस्मिं वचने । सचे पन तुम्हाकं माणवकानं एवं होति- 'सुजातो च अम्बट्ठो माणवो, कुलपुत्तो च अम्बट्ठो माणवो, बहुस्सुतो च अम्बट्ठो माणवो, कल्याणवाक्करणो च अम्बठ्ठो माणवो, पण्डितो च अम्बठ्ठो माणवो, पहोति च अम्बट्ठो माणवो समणेन गोतमेन सद्धिं अस्मिं वचने पटिमन्तेतु'न्ति, तिठ्ठथ तुम्हे; अम्बठ्ठो माणवो मया सद्धिं पटिमन्तेतू''ति । "सुजातो च, भो गोतम, अम्बठ्ठो माणवो, कुलपुत्तो च अम्बट्ठो माणवो, बहुस्सुतो च अम्बट्ठो माणवो,
Jain Education International
For Private & Personal Use Only
www.jainelibrary.org
| SR No. | 009976 |
| Book Title | Dighnikayo Part 1 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith, Buddhism, R000, & R005 |
| File Size | 13 MB |